「自己一向跟開環保同健康課題，有信心做得嚟先接受監製邀請。」
網上圖片
前無綫主播「新聞之花」鄭萃雯誕下雙胞胎囝囝後，為湊仔放棄主播工作，但對傳媒工作仲好有癮的她最近終接替同樣主播出身的陳嘉倩主持港台節目《大氣候》。由於節目電台和電視都會播出，她坦言最初好擔心自己有懶音，不過能夠再參與幕前工作，她覺得好開心兼過足主持癮。
網上圖片
對於有傳「嘉倩BB」因緋聞而被飛出《大氣候》，節目監製胡志傑強調是對方主動提出休息下，而鄭萃雯亦不覺得自己是「執二攤」，她認為自己能勝任便可以，「自己一向跟開環保同健康課題，有信心做得嚟先接受監製邀請。」
鄭萃雯又表示本身大學是讀廣播，雖然為湊孖仔離開TVB轉做公關，但對傳媒工作仍然好有興趣，《大氣候》每周直播一次，完全無影響她正職和湊仔，又可過足主持癮。她反而最擔心自己有懶音：「以前做主播唔係淨係靠把聲，但而家雖然有電視播，但以電台製作形式為主，所以會特別留意自己咬字。」
網上圖片
一對孖仔已兩歲大，鄭萃雯很享受湊仔生活，但講明將來還有機會多做幕前：「嗰時放棄做主播係迫不得已，我同老公都要輪班，夜晚冇得瞓真係唔掂，我嘅公關工作時間彈性好大，好多嘢可以喺屋企做，有多啲時間湊小朋友，不過遲啲等小朋友大啲，可能會再做番多啲傳媒同幕前工作都未定。」
網上圖片