森美口齒伶俐，拍嘢一埋位就快手搞掂！
森美埋位快快手拍完嘢
44歲嘅森美，由電台DJ，撈到變金牌主持，仲踩埋入視圈，愈撈愈掂。早排，勁like日本嘅森美就有幸寓工作於娛樂，收錢帶隊去日本玩，連續兩個月食買玩，「叉爆電」嘅森美日前下午現身中環PMQ拍嘢，個樣不知幾精靈，見佢超Chok咁望住鏡頭，又招招積積咁擺出三七面，雖然有畫無聲，但睇見都想笑！
好大陣仗
森美去年主持無綫節目《森美旅行團》，喺東京晴空塔下對太太Veronica(陳雅嫻)嘅一幕深情剖白，隨即被外界封為新一代「好男人」。夠晒人氣，早排森美又夢想成真，連續兩個月做「星級導遊」帶團去日本德島玩，仲帶埋太太同行，笑說：「有太太喺度冇咁寂寞。（成功造人？）講笑啫，兩個已經夠。」
資料圖片
有錢袋又可以食買玩，森美日前返港後，翌日就見佢好精神咁喺中環PMQ開工。當日下午2時許，穿上牛仔衫褲減齡嘅森美，企喺平台中央補妝等拍嘢。未幾，好sharp醒嘅佢招招積積咁挺胸收腹、擺出三七面望實鏡頭。一roll機，森美就好流利一口氣講咗一段對白，介紹吓個地方，然後行幾步，等導演拍多個wide shot，睇多啲。輕輕鬆鬆幾分鐘，森美好快就拍完，佢睇完play back，然後應導演要求拍多一次。結果兩take收貨，森美話咁快可以轉景再拍，快靚正呀！
森美話兩個夠晒數
森美：「有用嘅嘢想用都冇得用」！
全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！
Mayanne同GM分別擔任主持及助理主持。
今集請嚟火火（左起）、森美同埋劉翁擔任嘉賓。
年屆50嘅森美笑言最開心係可以同BTS一齊入伍。
火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！
火火親述「抓龍筋」過程，啲表情包勁爆笑。
之後眾人大談中年危機6大徵兆，其中一項係性能力/性慾下降。
森美激動表示慘遭老婆無視，搞到「有用嘅嘢想用都冇得用」！
之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」
之後講到依家男士魅力不再，森美留意到依家好多男人操肌係為咗吸引異性。
再講到出軌問題，森美話成本太高唔敢嘗試。
已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。
劉翁自爆第一段婚姻出軌經歷。
