歐錦棠讚故友是電影「活字典」

娛圈事

歐錦棠讚故友是電影「活字典」

2018年03月23日 21:13 最後更新：21:53

歐錦棠大讚故友，亦希望肥施留下的資料會得到妥善處理。

歐錦棠與施介強（肥施）相識逾20年，因偶像李小龍結緣，他大讚故友多才多藝及熱心，當年自己籌備拍攝有關李小龍的特輯時，也多得肥施做資料搜集，以及聯絡李小龍親友提供資料。歐錦棠又指肥施是電影的「活字典」，就算粵語片的小角色也能一一講出名字，故最希望能妥善處理肥施留下的資料，皆因那是故友的畢生心血。

往下看更多文章

歐錦棠大爆當年在亞視「爆Show」勁賺500萬再揭TVB離巢潮原因

2023年11月24日 23:08 最後更新：23:08

歐錦棠最近出新片，大爆TVB及亞視的Show錢。

60歲歐錦棠近年主力經營自己的YouTube頻道《乜乜棠水舖》，有時會講下舊香港，又會講下奇案，因此都吸納了不少觀眾。他於1990年加入亞州電視，2001年過檔無綫，直至2016年與無綫完約回復自由身。他近日拍片透露如何計算Show錢，更大爆當年在亞視幾乎年年做到爆Show。

他首先教大家計算show錢，指只要亮相都叫做一個show，而每人show錢不同，他舉例當年剛加入亞視時是1000蚊一個show。他又指做配角比主角更易爆show，因為可以同時開幾套劇。他說﹕「一般嚟講半小時計算，因為香港劇集習慣咗一個鐘其實冇一個鐘，44分鐘左右，有廣告時間，劇集內容就會有四部份出街，所以會以半個鐘形式計算，你前半個鐘出鏡一個Show，後半個鐘出鏡一個Show，如果我四Part都出鏡，都係計兩個Show啫。另外綜合節目，無論幾長都好，都係一個Show，一般嚟講綜合節目半個鐘起跳，好少會超過半個鐘。」

他指當年在亞視時期，一年簽約70個Show，1996年歐錦棠同時做多個綜藝節目，包括《今日睇真D》、亞視港男、奧運會等節目，「嗰時冇拍劇，嗰年我做咗670幾個Show，即係爆咗600個Show」勁賺500萬！其後他在tvb時亦長年拍處境劇，包括《同事三分親》、《畢打自己人》及《誰家灶頭無煙火》，當時他月入最少17萬元！

他又透露藝員離巢原因，他指電視台為了不養太多員工，想出「一Show」約，即是一年只有一個Show做。如果沒有工作，只可拍電影，又不可以去其他電視台工作，因此很多藝員都怕收入大減而離巢。

歐錦棠讚故友是電影「活字典」