全國政協副主席董伯伯搞完智庫又搞網媒《香港頭條》,踩過界搞媒體,加上又和何柱國的《頭條網》撞名,結果俾「炒河」怒轟,話董伯伯現在如此有精神連傳媒都搞,就不如買埋《星島》云云。
「炒何」火力極猛,董伯伯暗中收工,線人報料董伯伯的《香港頭條》俏俏改名,改叫《點知天下》,唔再叫「香港」,亦唔敢叫「頭條」。
小鯊去app store一查,真是查不到《香港頭條》,但查到《點知天下》,一下載就將原已下載的《香港頭條》app變成《點知天下》app。
高人話,董伯伯咁改吓名,都叫做好過唔做嘢,但更好的是不要再搞媒體,他的智庫透過籌款得到資金,正式是「他人的錢」(OPM),如今偏離本業,用OPM搞媒體和其他傳媒爭食,點講都講唔過去啦。
小鯊
** 博客文章文責自負,不代表本公司立場 **