Skip to Content Facebook Feature Image

水果到底飯前或飯後吃?

生活事

水果到底飯前或飯後吃?
生活事

生活事

水果到底飯前或飯後吃?

2018年05月03日 10:00 最後更新:11:01

多吃水果有益健康,有指飯前吃水果,營養價值最高;飯後吃則有助消化,誰對誰錯?

網上圖片

網上圖片

有營養師指,其實飯前或飯後吃水果,都沒有大分別,反而建議含脂溶性維他命的水果,如哈蜜瓜、奇異果、番茄等,與含油脂食物一起吃。

水果所含的維他命分水溶性或脂溶性,脂溶性維他命(如維他命A、D、E、K,是必須在有油脂存在情況下,才能被加以吸收利用。所以含豐富脂溶性維他命的水果,最好是與含有油脂的食物一齊吃。不論是飯前或飯後兩小時內吃,只要水果與含油脂食物同吃,效果亦無差異。水溶性維他命(如維他命C和B群)含量豐富的水果,就沒有分空肚或和食物一齊吃,因為食物中多少都有水分。

雖然大部分水果同時含有水溶性或脂溶性維他命,但比例始終有差異,進食時可參考以下建議:

建議和食物一起吃的水果:

含豐富維他命A的水果:哈蜜瓜、芒果、水蜜桃、木瓜、番茄

含豐富維他命E的水果:橄欖、奇異果、番茄、芒果、牛油果

含豐富維他命K的水果:奇異果、牛油果、藍莓、水蜜桃、提子

可空肚吃的水果:
橙、士多啤梨、西瓜、奇異果、木瓜、芒果、番石榴、哈蜜瓜、香蕉、提子等。

營養師又補充,人體內維持健康的機轉相當複雜,不是單靠吃水果就有完整的防禦系統,所以嚴格說起來,飯前飯後吃水果都是可以的。

往下看更多文章

牠會放屁嗎?關於雀的無聊10問

2015年12月03日 16:26 最後更新:17:11

今日諗唔到寫乜,膠仔只好向Google大神請教吓啲無聊知識。喺搜尋列輸入「Do birds ……」(雀仔會唔會……),自動彈出以下結果。我逐個望,發現啲內容勁有趣,一於開返個「無聊10問」,試試用最少字數講最多小知識。

雀會放屁嗎?
鳥類消化食物速度勁高,加上肚道細菌同其他動物唔同,消化過程中唔會產生氣體,無屁放。

雀會屙尿嗎?
雀仔唔會屙尿,所有廢物都係由同一個「洩殖孔」排出體外,屎中帶尿。

雀仔會唔會瞓覺?
會呀,飛行途中仲可以俾一邊大腦休息,另一邊保持清醒,所以候鳥遷徙連續飛幾十日都無問題。

雀仔企喺高壓電纜上點解唔電死?
雀鳥之所以能夠停喺高壓電纜而唔會電死,係因為身體無「接地」(同其他物件接觸),小小身體同電纜間嘅電壓差並不足以產生電流,無電流的話就無殺傷力。不過如果隻雀企喺電纜嘅同時,又同另一件連接地面嘅物件有接觸,保證燒鳥。

雀仔會唔會中閃電?
如果雷電擊中大樹,樹上雀仔就慘啦。點解?上邊已經講咗。

雀仔有無耳?
有兩隻,藏喺頭部羽毛之下。

雀仔如何交配?
過程好短暫,男上女下,進入,完。

雀仔會唔會生虱?
會,仲會生螨、蠅等至少有41個品種寄生蟲。

雀仔點解要遷徙?
主要係要尋找適合嘅居住環境,有科學家亦認為係為咗遠離父母,好似部分人大個咗想搬出去住一樣。

雀仔吱吱喳喳叫有咩意思?
最多時係為咗同同類嬉戲以及求偶,每種雀都有獨特「鳥語」,以唔同頻率表達唔同意思。