同樹唔同樣，半山般咸道馬路旁的病樹得到公民黨議員陳淑莊大力支持，但對粉嶺高球場的古樹毫無興趣。
圖：兩棵位於港島半山般咸道馬路旁的老樹，須於風季前移除
事緣兩棵位於港島半山般咸道馬路旁的老樹，因病入膏肓、不斷傾斜，有隨時塌下危險，政府上周日委派工人到場打算砍樹，但遭陳淑莊、許智峯、區樂軒等人阻撓，話砍樹等同「毀滅香港人歷史」，一番擾攘令移除危樹行動被阻延九小時。
惹起居民質疑，「冧樹責死人是否你們負責？」但許智峯等人避而不答。當居民接受傳媒訪問話擔心人身安全，陳淑莊則在旁叫喊打岔，結果有居民大聲反問：「收聲啦，陳淑莊你住邊度呀？」現場未聽到陳淑莊回應。
圖: 港台「視點31」
這件事發生後，政壇八卦友提Ariel睇港台「視點31」，陳淑莊和阿叻辯論是否拆粉嶺高球場。睇吓又真係幾趣，阿叻抽陳淑莊後腳，話佢反對斬般咸道兩棵病樹，為何支持拆高球場斬百幾棵古樹? 陳淑莊唔係幾識答。
圖: 粉嶺高球場內的古樹
阿叻認為不應減少高球運動的用地，話政府咁多嘢唔做，去搞高球場，政府可以主導，去填海搵造地，也可以改葵涌貨櫃碼頭。而陳淑莊就話可以用堆填區土地做高球場。八卦友話，叫高球員去堆填區，唔知佢地有乜反應?
Ariel
** 博客文章文責自負,不代表本公司立場 **