嫌身型未夠fit 蘇可欣狂舉重操肌

Eunice對自己的要求非常高！

藝人之間競爭激烈，所以每位藝人時刻都要保持最佳狀態，以最好的一面迎接工作。就像前港姐兼無綫娛樂新聞台主播蘇可欣(Eunice)，明明身型已經好fit，但仍要繼續瘦身操肌，以達到自己心目中的標準。

近日Eunice就在社交網上載了一段做運動的短片，並留言話：「still have long way to go，Work hard for what I want.(仍有好長的路要走，我要努力才可得到我想要的成果)」

穿上Bra Top及短褲的她好努力地舉重，見她做了一會兒後就要停一停休息，可見健身的過程一點都不輕鬆！

蘇可欣結束與TVB 8年賓主關係。

現年30歲的TVB無綫娛樂新聞台主持蘇可欣（Eunice）宣布離巢！蘇可欣自2020年公開與有米圈外男友Geo拍拖後，便減少幕前工作，經常在社交平台大晒奢華生活。昨日（2月29日）她在IG發文疑似公布離巢消息，寫明「呢個世界好大我想去望下」、「我哋換個地方再見」暗示去向，圈中好友陳詩欣、吳紫韻及駱胤鳴等留言恭喜時，蘇可欣亦證實離巢消息，並表示有機會重投老本行做空姐：「我一直以來都有一個念頭，就係做返空姐，因為飛嘅時候好開心同埋好自由，咁所以我唔排除我會返去做空姐。」

蘇可欣在IG分享一張草地野菊花的照片，並撰長文：「呢個世界好大我想去望下，當初離開香港航空嘅時候，有同事問我值得嗎？一轉眼將近八年時間，喺TVB既日子令我見識很多，學懂很多，係時候翻開新嘅篇章向前走。我一直深信我是幸運的。誤打誤撞走上了當主播司儀嘅路，我好感激娛樂新聞台帶比我嘅一切，係呢個温室嘅時間，快樂時刻佔絕大多數。我會懷念跟你們在大房的歡樂時光。」

她更在長文中感謝她的經理人：「多謝我經理人雲妮，湊左我八年時間，我知道非常唔容易。因為我絕對講唔上係一個聽話嘅女仔，比起話好我更加多時間都講緊唔好，咁多年嚟辛苦你了。對於我嘅所有，佢比我更加上心。佢成日同我講「我希望你上台好好睇睇」，所以無論大大小小嘅活動，佢都會替我安排很多。」她又指自己不是一個乖乖聽話的女生：「私下嘅我其實唔擅長同人溝通，呢個時候佢總會陪伴我左右代我說話，當然有時佢都會做幕後推手令我防不勝防，但係我都會由心底去感激你，咁多年高高低低感恩有你陪伴。多謝一眾台前幕後嘅同事，一齊共事嘅時光會長留我腦海之中。