Skip to Content Facebook Feature Image

科技園劏房 政府懶理

博客文章

科技園劏房 政府懶理
博客文章

博客文章

科技園劏房 政府懶理

2018年07月14日 18:09 最後更新:18:10

  如果你問,香港地發展得最好最成熟既係咩?唔洗諗,一定係劏房,一千尺可以劏十間房,每間租八千,月入就八萬,仲好過番工。而家唔只住宅有得劏,就連好多工廈都劏出黎租埋俾人住。聽落係好誇張,但最誇張既係,你又有冇諗過,香港既劏房事業已經又再變出新花樣,劏實體空間唔夠,香港人連虛擬空間都唔放過,全新伺服器劏房,劏開租又得,一層層分開租又得,都咪話唔新奇。
  搞創科係大趨勢,而政府亦都成日都叫人去科技園發展,仲話要做「亞洲區數據中心集中地」。所以用廉價地皮吸引唔同數據公司入場,建立一個自用既數據中心,當時就講到明係唔可以分租。但係點知日前爆料就被人發現咗,係將軍澳工業邨既數據中心營辦商HKCOLO,通過三折攞到塊地之後,懷疑將廠房分租出去,姐係變相係度用政府既優惠賺錢,但政府到而家都依然唔理。
  香港政府雖然話就話要發展科技,但係最後又係變咗地產既遊戲。係香港地,除了住宅有劏房政府唔理之外,數據中心既地皮都照樣劏出去,政府一樣係隻眼開隻眼閉。再係咁樣落去,仲邊有公司會係香港真心搞科技?咁唔公平,不如大家都去搞劏房啦!
  政府用便宜既價格鼓勵科技公司入場原意係好,但係如果任由呢種惡劣既情況繼續存在,對其他用市價投地既數據中心絕對唔公平。而政府作為政策既推手,做好監管本來就係份內事,呢個無王管既情況一日唔改善,不禁令人質疑香港點樣可以安心發展科技。
  而家到底有幾多違規公司尚係未知之數,與其等件事愈發愈大,最後真係變到好似劏房咁不可收拾,倒不如趁而家快刀斬亂麻,盡快立定決心做好規管,還香港一個良好的科技發展環境。




新文道

** 博客文章文責自負,不代表本公司立場 **

往下看更多文章

建築測量師倡劏房最細面積至少100平方呎 有窗及獨立廁所

2024年03月28日 09:23 最後更新:10:10

建築測量師何鉅業建議劏房最低面積至少100平方呎,單位內要有能通風的窗,獨立間隔廁所,防火分隔的廚房等生活基本空間。

資料圖片(圖片來源:星島日報)

資料圖片(圖片來源:星島日報)

政府成立的「解決劏房問題」工作組,計劃為劏房設定最低標準。建築測量師何鉅業認為,必須從單位面積、高度、衞生、防火安全等方面考慮,他建議劏房最低面積至少100平方呎,單位內要有能通風的窗,獨立間隔廁所,防火分隔的廚房等生活基本空間。

何鉅業表示,不可能再以現有《建築物條例》等法例準則判斷劏房是否合規,建議要按客觀環境,訂立另一套檢核標準。他舉例說可容許單位內的窗戶細一點,單位高度毋須符合現有條例的最少2.5米,如果達2.2或2.3米已可達標。防火要求方面,他舉例說如無法安裝消防系統,是否可改以手提式滅火樽,甚至煙霧感應器代替,以達到基本安全。

至於單位窗戶,何鉅業認為窗戶必須能夠開啟,達至合理的通風和採光效果。如果窗戶對著四面圍封的光井,錯綜複雜的渠管、大量垃圾雜物就不符合要求。

建築測量師何鉅業 (資料圖片)(圖片來源:星島日報)

建築測量師何鉅業 (資料圖片)(圖片來源:星島日報)

何鉅業認為當局制定的檢核標準應視為過渡性安排,而非等同劏房合法化,建議暫時容忍這類單位存在,在政府的監管下,將「劣質劏房」淘汰,其餘就作「升級轉型」,局部改善。

他又說,基於暫未有足夠安置單位,建議為取締「劣質劏房」定出優先次序,先從樓宇狀況欠佳的60年以上樓齡樓宇,以及工廈劏房著手,因工廈內有不少雜物及易燃物品,窗戶亦較少,危險性高,有必要優先取締。

近期曾與「解決劏房問題」工作組會面的立法會房屋事務委員會委員陳學鋒估計,由訂立新法例和標準規管劏房,直至落實,整個過程可能需時3至4年。他認為現階段工作組應做好數據搜集,包括掌握「劣質劏房」的具體數目,並利用現有法例先解決部分問題,取締環境極度惡劣的劏房,做好居民安置工作。

你 或 有 興 趣 的 文 章