搭A車無2元優惠要求退錢被拒 長者直斥「你去死啦」

長者上了機場巴士才知沒優惠，又無法退款，責罵車長去死。事件惹起網民熱議。

城巴車長在網上訴說遭長者責罵情況 (網上圖片)

有網民分享帖文，指自己有一次駕駛A22巴士時，遇着一名長者在觀塘上車，對方一拍長者八達通時，發現扣除半價車資19.5元後，即質疑車長扣錯錢，並表示「我搭車兩蚊架」。車長則解釋「呢架機場車嚟嫁，邊鬼到有兩蚊呀？」指長者「唔清楚就自己睇」。長者稱是想去九龍灣，但車長再表明「我話知你想去邊，總之你上咗我部車就要比錢啦！」

長者拍卡後才知沒有2元優惠，要求車長即時退款 (網上圖片)

長者唯有打算在下一站下車，但要求車長退款，「我而家唔搭啦，比返錢我」。車長則回覆「你搭咗半個站都係搭啦，憑咩要我比返你先」，長者重申「我搭車兩蚊咋，你一定要比返我」。車長表示「冇呢個講法，退錢自己打上城巴，退定唔退係佢哋話事唔係我話事」。長者堅持要退回車資，車長反問「我點拎比你呀，你當我呢到係咩呀？銀行定收銀機呀？」長者聽罷即罵對方「你去死啦！」

車長在網上訴說當時情況 (網上圖片)

兩人爭吵一輪後，長者最後在九龍灣站下車。不少網民都指責長者恃老賣老，「點睇個老都係衰...阻住地球轉」、「其實鬧得好，好多老人家專揀返工放工時候來坐」、「兩個站都上長途巴，濫用優惠」。不過，亦有網民認為「係個司機處理得差，老人係有唔啱，十幾元對老人家可能幾重要下，有啲發矛，但唔同講法可以令人地無講可說乖乖下車」、「其實老人家可能真的唔明，但八達通話退錢就真的冇可能」。

車長與老心針鋒相對 (網上圖片)

長者兩元乘車優惠包括港鐵、專營巴士、渡輪及524條專線小巴路線服務，但不包括港鐵機場快線、往返羅湖、落馬洲及馬場站的東鐵線服務、東鐵線頭等服務；巴士亦不包括機場巴士「A」線及「NA」線、馬場路線及以預約及團體租用形式提供的特別服務；渡輪服務不包括豪華位。

復活節長假期為旅遊高峰期，城巴將全面加強機場、口岸及各景點服務。在兩大陸路口岸香園圍口岸及深圳灣口岸，城巴將於高峰日子分別提供最密5分鐘及7分鐘的班次。

深圳灣口岸 (網上圖片)

復活節假期間，城巴將加強A21、A23號線等多條路線服務，令班次最頻密達每8分鐘一班。同時會加開通宵路線NA10，方便港島區居民往返機場。城巴機場快線A25即日起將會改為全年無休全日服務。路線由啟德開出，途經紅磡、黃埔、尖沙咀，前往港珠澳大橋香港口岸及機場，穿梭市區重點住宅區及旅遊旺區。

網上圖片

連接香園圍口岸的「新界東口岸特快」B8號線，即日起恆常化延長平日服務時間。復活節假期間，B7和B8號線分別會加強至最密5分鐘和6分鐘一班，接載乘客由上水、粉嶺和大圍往返香園圍口岸。深圳灣口岸的B3X號線於指定日子將加密至7分鐘一班。

城巴將加強港島旅遊熱點赤柱及山頂的巴士服務，來往赤柱的6、6X、260號線，及來往山頂的15、X15號線將於復活節及清明節公眾假期加密班次。