撰文： 勾玄
偶然同人討論一下對命運既睇法，大部份都會表示自己係信命既。信命既定義係，佢地會將大部份佢地認定係好難完成既事，歸納去"命"到。
做唔到架啦，我冇咁既命...有事唔係話自己努力就得架啦，都要睇下自己有冇咁既命水...
同大部份人講開，佢地多數係咁回應我既。我本身唔係好認同呢種睇法，我認為知命不同認命，咁講反而被人認為我太過自以為是，世事唔係樣樣你認為係咁就係咁既。
講常我都係聽完就算，道不同，不相為謀。所謂，明知山有虎，遍向虎山行。有人會話你傻，明個個山有老虎你都仲要去，死就預左，唔死味當你好彩囉。
但係換個角度睇，我就係明知山有虎，先至向虎山行，因為我預左去打老虎既，山，我上硬，好彩既，我打瓜埋隻老虎當利息，運氣差既，都可以全身而退，因為我有準備。
呢個分別，正正就係對命運既睇法既些微差別。我唔係要同天鬥，但係我只係用最好既準備，去迎戰最壞既情況。可能，你順應天命會令你暫時過得好似好安穩，但係正正由於你冇諗過同逆境對抗，一味諗住將將就就過生活，當困難避無可避，你就變得不堪一擊。
命運係最睇唔起向佢屈服既人，所謂生於憂患，死於安樂，希望大家能夠都有一番體會。
#Facebook專頁
#香港兔蘆術數學會
#Yahoo #ElleBlog #痞客邦 #微博客 #巴士的報
#玄學 #八字 #術數 #面掌相 #占卦 #文王卦
(相片來源：互聯網)
香港兔蘆術數學會
** 博客文章文責自負,不代表本公司立場 **