雨過天晴！
袁詠儀（靚靚）為ViuTV的節目《大星講》錄影，身形清減不少，她表示做運動及吃營養餐用了一兩月時間減去10磅，由於接拍了新片講及跨時代情節，故應導演要求減磅，尾段就需要增磅。她說：「導演本來要求我好似未生過仔咁，但我依家應該去唔返，未生仔時我只有110磅，之後要再增磅起碼要有差別，感覺圓潤同幸福。」她透露新片原本較早開工，因政策上改變要預計延至10月，所以覺得保持身形較為困難，若完成該片演出也不會保持太瘦。
靚靚
靚靚為ViuTV的節目《大星講》錄影。
靚靚身形清減不少。
提到老公張智霖（Chilam）前經理人梁雅詩被控侵吞其酬勞，早前被區域法院裁定罪成，靚靚說：「香港法律制度好完善都好合理，Chilam只是做證人工作，我們配合律政司去做。」當日就是客戶向靚靚投訴才被揭發，故問到會否加緊了解老公的工作合約？她說：「其實我一路都無睇，件事好似真係天網恢恢、疏而不漏，點解會有個人走嚟同你投訴？我又無啦啦去同老公講，可能好多嘢個天要件事真相大白，希望有關的所有人回歸正常工作，畢竟困擾了四年，因為呢段時間要配合政府，今個暑假唔去得玩都係咁，所以不可以行開，件事好圓滿都好嘅。」
靚靚謂案件困擾了4年，現望所有人回歸正常工作。
詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！
詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！
Jim sir 6場《即興之王》順利完成。
Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」
Jim sir好感恩觀眾好投入。
更揚言會做100場。
更希望將《即興之王》帶到星馬、美加等地，與當地華人及香港人一同分享。
Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」
廖碧兒
林盛斌
陳小春
而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」
張智霖與囝囝張慕童
魔童好滿意Jim sir扮女人「moment姐」。
魔童睇到笑唔停。
仲同爸爸Chilam「十五指緊扣」。
