對社會問題有意見，或者「有咩不滿」，把握今晚機會啦！
行政長官林鄭月娥今晚8點，會在其個人社交網站專頁做「直播」，為新一份施政報告作公眾諮詢，仲會回應網民即時提問，大家有嘢好講啦！
林鄭的facebook直播在今晚8點開始。 林鄭月娥facebook
據了解，林鄭的facebook直播環節約有30分鐘，林鄭月娥會即場與網民對話，交流一下，仲會「抽選」部分「幸運兒」的留言，即場回答。林鄭可能都知今晚「係 Happy Friday」，不少人可能外出「唔得閒」準時睇Live，所以貼心地講明「如果嗰晚(今晚)唔得閒都唔緊要，你可以預先喺呢個Post度留言，當晚除咗即場交流，我都會抽部分留言出嚟回應！」
林鄭的facebook直播在今晚8點開始。 林鄭月娥facebook
截至目前，已經有近300個「預先留言」，有網民要求林鄭月娥正視房屋問題、也有人要求增加醫護人手、有網民要求政府交出詳細土地規劃，包括填海範圍以及住屋及商用土地分配方式，供市民討論；亦有人表示不滿港鐵與政府部門官僚問題「超級嚴重」等等，相信林鄭「有排睇」。
早前有泛民議員因不滿政府公開批評外國記者會，邀請香港民族黨召集人陳浩天演講，認為是打壓言論自由，呼籲市民今晚做緊直播時，「踴躍」在專頁留言「洗版」。消息指，林鄭月娥已知悉有關情況。有興趣就施政報告畀下意見的朋友，今晚記得上去留言啦！