近日Yoyo分享靚相派福利，網民都忍不住感歎她愈來愈美，亦愈來愈有自信！
42歲藝人陳自瑤（Yoyo）主演的劇集《婚後事》掀起熱議，備受網民關注，這也是Yoyo入行逾廿年首次擔任女主角，劇中她屢有性感演出，騷Fit爆身材狀態依舊。近日Yoyo分享靚相派福利，網民都忍不住感歎她愈來愈美，亦愈來愈有自信！
陳自瑤狀態愈來愈好
在《婚後事》有很多索爆畫面
半裸與羅子溢梳化激戰。
YoYo近日在社交平台分享一輯身穿紫色百褶裙的靚相，相中的她大曬性感身材，斜膊設計展示香肩及修長美腿，且腰間的鏤空設計可見纖腰毫無贅肉！網民都讚不絕口：「My dear princess yoyo,越來越美，越來越自信，越來越好」、「yoyo完美駕駛這個很難駕馭的頻色」、「美腿皇后」、「你着得條裙好靚」、「條裙好靚呀，不過小心大風啊」、「仙氣飄逸！靈氣逼人！福氣不絕！」
再派福利
幾乎零贅肉
大晒索爆身材
纖腰毫無贅肉
坐在樓梯身材亦沒有走樣
《香港婚後事》由陳自瑤（Yoyo）、賴慰玲（Winki）、黎諾懿及羅天宇擔任主持，今晚（5月17日）播出的第8集嘉賓龔慈恩（龔姐），而今集探討的主題是「離婚」。
今集嘉賓係龔慈恩（下排中）。
龔姐分享對夫婦離異的見解：「冰封三呎，非一日之寒，比較傳統啲嘅女性，仔女係佔咗佢（生活）一大部分，佢可能喺某一段時間係完全忽略咗自己，將啲時間、精神、責任擺晒喺仔女身上，到某一日突然間醒咗，佢會意識要有自己人生，咁會令到有番咁上下年紀嘅人有離婚嘅意識。」Yoyo則認為：「一段關係係雙方（付出），可能你好想為小朋友保持一個美滿家庭，但可能對方唔想，可能佢個心已經走咗，你格硬死𢱑都冇辦法，有啲嘢唔係一個人可以做到，呢啲情況就冇得選擇。」
龔姐話唔抗拒再婚，仲話現階段需要個伴多啲。
龔姐話唔抗拒再婚，仲話現階段需要個伴多啲。
龔姐話唔抗拒再婚，仲話現階段需要個伴多啲。
Yoyo分享對離婚嘅睇法。
諾懿又分享指香港每年約有過萬宗離婚個案，而離婚手續亦日漸簡化，對此Winki認為「離婚」變得流行：「大家覺得（離婚）冇咁大件事，即係兩個人婚姻（如果）出現咗問題，然後就（咪）離婚囉，唔去解決。」Winki續指近來香港出現移民潮，不少夫婦亦因移民衍生的問題而鬧離婚。至於問到龔姐找到適合的人會否考慮再婚？龔姐坦言：「會嘅，我覺得現階段係需要伴多啲，再唔再婚係另一個問題，但我唔抗拒。」
黎諾懿
單親家庭長大的天宇坦言仍然相信愛情，希望將來可以給小朋友一個完整家庭。天宇有一位同母異父的弟弟胡㻗，兩兄弟感情要好，天宇笑言自己就像「白老鼠」：「我媽覺得呢個方式教仔唔係好掂，下個就會試用另一個方式，調整吓再做個好啲嘅出嚟。」天宇透露年輕時就像受保護動物，媽媽對他管教非常嚴格，就連放學後都不准出街打籃球，他笑言：「我好嬲呢樣嘢，我同細佬係唔同爸爸，我爸爸高過細佬爸爸，但我細佬高過我半個頭，點解釋吖？真係好嬲呀！龔姐個仔咁高，都係因為打籃球，我細佬去到中學時期，我媽叫佢打多啲籃球，唔好似阿哥，細佬係成功嘅實驗品。」
天宇話自己細個似白老鼠。
天宇嬲爆自己矮過細佬胡㻗。
天宇嬲爆自己矮過細佬胡㻗。
諾懿今集化身「教煮」指導天宇煎牛扒，只需利用一樣神秘醬料，便能將幾十元的牛扒煎成貴價口感，Winki試吃完後果真傻傻分不清哪一塊才是貴價牛排，諾懿說：「只要搽一搽（該醬料）啫，再拎去煎，就做到一塊去扒房先食到嘅香濃牛味道！」究竟神秘醬料是甚麼？節目自有分曉。
諾懿做「教煮」，只需要一個神秘醬料，就可以將幾十蚊嘅牛扒煎成幾百蚊嘅味道，究竟係咩？
諾懿做「教煮」，只需要一個神秘醬料，就可以將幾十蚊嘅牛扒煎成幾百蚊嘅味道，究竟係咩？
Winki都分唔到邊塊先係高級牛扒！
此外，Winki還分享了在職媽媽的辛酸，更講到眼濕濕，她大爆兩次在啟德郵輪碼頭拍劇時，仔仔皆因故入醫院，不禁令她對啟德郵輪碼頭有陰影！今集繼續有「殘酷2選1」，諾懿負責接受挑戰，面對「想做5億駙馬定天王巨星」這個殘酷話題，他又會如何抉擇？
Winki講起在職媽媽嘅辛酸時不禁眼濕濕。
Winki講起在職媽媽嘅辛酸時不禁眼濕濕。
Winki講起在職媽媽嘅辛酸時不禁眼濕濕。
