*

upload_article_image

东京拍写真 崔碧珈搞瘦身比赛

相信不少FANS都期待这本写真~

 凭36G澎湃身材闻名的崔碧珈(Anita),本身是工商管理硕士的她,有样有身材外兼有脑,加上拥有健身教练牌,继16年今年书展再接再厉推出《崔碧珈的生酮秘笈》,讲明不再单靠性感做卖点,决定公开多年来绝密减肥秘方,更以身犯险先激增15磅,再挑战用生酮减肥法两周内劲减,幸好人瘦胸不瘦。写真集制作费达200万,更揼本拉队到东京取景,Anita最爱的女仆造型一辑,亦花30万日圆(约两万港元)封超级巿场4小时极速完成,难怪她形容视写真集如亲生仔一样紧张,下半年更会带新书去世界各地巡回宣传。

写真集封面,Anita要全个人瞓在生油内,“我用咗成支洗头水同沐浴露先洗得干净。”

16年推出过写真集《Sweat Anita》后, Anita一直好想再推出一本自己构思的写真集,今次足足化了九个月时间去制作,“构思好仲要搜集资料,我又唔想请枪揾人帮我写,想所有嘢都真实啲,所以喺法国同意大利拍戏𠮶段日子,我都用休息嘅时间去写,有时连喺飞机都写埋一份,不过亦都特别有满足感。”

Anita为争取时间,坐飞机都继续赶稿。

 Anita坦言本身是水肿体质,易肥易瘦,多年来受体重困扰的她,试过不少减肥方法,都算半个专家,于是透过今次出书同大家分享,她直言写真相只是配菜,“讲真如果全部文字,真系冇人去睇,有图片真系会吸睛啲嘅。”为了这书Anita更以身犯险先激增15磅,再挑战用生酮减肥法,两周内减番,都咪话不牺牲,“影完写真啲相,我就开始增肥,花咗一星期狂食我平时唔食嘅垃圾食物,好似朱古力、薯片同汽水咁,之后就挑战生酮减肥法,咁又冇话牺牲嘅,我除咗食方面仲有配合运动,我条腰最明显,由31吋减到得番24吋度,所以都唔担心自己减唔番,而且我瘦咗个胸都冇走样。”她笑言将31吋肥腰相放上网,竟然被网民误会她有了BB,还惊动绯闻男友吴浩康,“佢本嚟唔知我出写真集,因为有人问佢我系咪有咗佢骨肉,佢咪打畀我问咩事囉!(佢点睇你出写真集?)我冇畀相佢睇,但应该透过传媒都睇到,作为朋友当然希望佢支持啦!”

Anita话其实拍写真集时未算最瘦,反而书展期间现身会更瘦,因keep住用生酮减肥法。

在温泉酒店取景,Anita三点式上阵当然唔少得。

为效果靓,Anita今次写真集一行十人拉队远赴东京拍摄一周,相当揼本。当中Anita至爱在超级巿场拍摄的女仆造型,“呢辑相唔系特别性感,但系自己冇试过女仆嘅造型,我哋仲包咗个超巿去拍摄,真系好难得嘅经验嚟。”

Anita话特别钟意这辑女仆相,因为一直都未试过这类装扮。

Anita称用生酮减肥法,成功两周内激减15磅。

据知,单是超巿包场费短短4个钟,便要花30万日圆(约两万港元),还要凌晨开始拍摄,Anita挨住困意去影,都咪话不辛苦。不过似乎Anita相当享受,“上次写真集只系照摄影师要求影,今次有好多自己谂法,所以真系好似自己亲生仔咁,会紧张好多,但亦都特别开心。”为配合写真集宣传,搞咗个公开减肥比赛外,Anita仲要带住新书去其他国家巡回宣传,“下半年仲要去内地同亚洲区,仲有法国同意大利宣传本书,所以嚟紧自己都要保持住呢个身形,都系另一个大挑战嚟㗎!”

Anita就是放这张31吋腰凸腩相上网,配上一句“好快会同大家宣布好消息”,即时惹起猜测她怀有绯闻男友吴浩康骨肉。

揼200万东京拍写真 36G崔碧珈封超市 玩谷胸诱惑