*

upload_article_image

任容祖儿演唱会嘉宾 古天乐首次现场唱《今期流行》

古仔几时开个人演唱会呢?

容祖儿(Joey)《PRETTY CRAZY》红馆演唱会第11场请来了古天乐(古仔)做嘉宾。在古仔未出场前,Joey大卖关子要大家齐估是谁,“今日到底系边个好呢?呢一位系男神嚟㗎,我相信全香港冇人唔钟意佢嘅!佢由细到大都好锡我!佢曾经喺我演唱会担任过一次嘉宾。”之后更希望歌迷一齐做动作迎接古仔:“音乐一起,大家喺适当嘅时间一齐做一个动作。”Joey示范了《今期流行》的“拜神舞”动作,导致全场即时疯狂起哄,更响起《今期流行》歌曲音乐,随后,古仔现身和Joey大唱《今期流行》,歌迷“叫到拆天”。

二人大唱大跳

唱完后,Joey说:“我第十一场表演嘉宾古天乐,真系癫倒众生呀!”古仔就话自己是带病上阵,也是第一次live唱《今期流行》。Joey说:“系呀,佢呢辈子未现场演绎过呢首经典金曲。你真系好锡我呀你,你系咪前世欠咗我㗎?”Joey更问古仔:“你记唔记得你好多好多年前你做过我演唱会嘉宾㗎?”古仔笑着回答:“你当我老人痴呆症㖞,我以前同你影过张相嘛。”Joey更调皮取笑古仔“系呀,𠮶阵时你好白嘅,但你依家都唔系好黑。”

二人大跳拜神舞

他们之后就回忆过往,古天乐就表示:“你𠮶阵时同你阿妈去电视台。”Joey就话:“你𠮶阵时仲喺电视台度拍紧剧嘅,咁我就鼠咗入电视城度,竟然畀我撞到你㖞!咁我梗系唔会放过呢个机会啦,就系呢一张相呀,就畀我沟掂咗你啦!”其后,笑着解释只是开玩笑,自己当然不敢。

古仔与歌迷握手

古仔之后就投诉称“谷鬼气”,不想戴ear mon,会听唔到现场的声音。Joey惊讶大呼:“唔系啊嘛!唔通今日啲观众太热烈喇!”古仔否认称,想唱多次《今期流行》呀!Joey闻言便愕然话:“你真系好钟意唱歌㖞!”古仔望着Joey就表示,惊over run?你点都加多了一场啦。Joey回答,唔惊,会给他唱埋落去都仲得。二人再次大唱大跳《今期流行》,将气氛推到最高峰,歌迷尖叫连连。

古仔于Joey演唱会大唱大跳《今期流行》

唱完后,Joey见到古仔上气不接下气就说:“抖一抖先啦,最受欢迎男歌手!”无抖的古仔竟然表示要玩游戏,谁叫得大声就可以上台与他们合照,再将气氛推至更高。Joey就说:“向来都知道古天乐人好好,佢虽然外表好似好恶,但内心就好善良,但佢史无前例咁抢我个台啲咪讲嘢,又抢埋啲观众上台!”其后,古仔当然不理她,与歌迷玩起游戏,最后选了3个歌迷上台合照。之后,古仔想走人,Joey当然不肯,“你咁钟意唱歌,你唱多首啦!”古仔就和Joey合唱完《男朋友》才离开。

Joey后台大合照

Joey后台大合照