*

upload_article_image

容祖儿讲“调”字 Supper Moment:我听咗另一个字呀

晚晚有嘉宾

容祖儿昨晚第17场演唱会,在介绍嘉宾之前,祖儿就话日日打电话询问她当晚是边位嘉宾,不满地说:“现在嘉宾系主菜,定我先系主菜,岂有此理!哈哈。我话畀大家听,我今日唔畀主菜你哋食,直接畀个宵夜你哋叹,准备好未?”然后Supper Moment 就升上来,观众马上疯狂欢呼,Sunny话,“永远系香港嘅主菜,容祖儿!”继而在观众疯狂欢呼声中,与祖儿合唱《幸福之歌》。

容祖儿17场演唱会,Supper Moment做嘉宾

容祖儿17场演唱会,Supper Moment做嘉宾

唱完歌,祖儿见观众超开心,于是话:“完全感受到Supper Moment啲威力!”Sunny就话:“我哋Supper Moment第一次红馆四面台,系因为你呀容祖儿!”“唔好客气,系我光荣。今次第一次合作,大家觉得点?我知大家好熟佢哋,我都要郑重介绍一下Supper Moment四个靓仔又有才华的乐手。我今日先知Sunny叫仕燊,你时薪几多?”

容祖儿17场演唱会,Supper Moment做嘉宾

祖儿介绍Supper Moment成员

“我心里最想合作伙伴单位,请晒来,今日大家见到系Supper Moment ,即刻问可不可以调.....即系问可不可以调来睇.....”Sunny呆一呆未反应得来,之后先笑住话,“哦,调,我听咗另一个字呀,哈哈哈....畀人调㖞....”引得全场都一齐大笑。“哎!我真系唔好讲太多,哈哈哈.....你系咪有礼物送畀我?”Sunny:“系呀,我今日终于可以喺容祖儿面前告解!”观众一听《告解》两字即开心欢呼,祖儿就话,“真系连霆锋来𠮶晚都冇唱呀。”Sunny就话:“放心,我会尽量用谢霆锋嘅腔口唱!”

祖儿介绍Supper Moment成员

祖儿登上红磡360高空吊车

此外,祖儿昨晚登上红磡360高空吊车,第一首歌就拣了《他都不爱我》,料不到与她合唱这曲的吴浩康竟然坐在山顶位睇骚,大会马上畀支咪阿Deep,阿Deep也不客气,大方唱了一段,获得不少掌声。唱到演唱会最后安歌时段,祖儿同观众边倾偈握手时,突然见到有一位女观众狂哭,祖儿马上上前问,“咩事呀,你乜事呀你?”其他观众话: “佢求婚呀”。祖儿搞笑问:“你骑劫我个场求婚,你上嚟啦一系,逼喺𠮶度。”但个女歌迷就只系识得继续喊爆,祖儿唯有做埋主持人,“你哋唔好咁过份㖞.....系咪求婚?点解咁突然?畀我睇下你只戒指大唔大只先,都ok㖞,咦,英皇珠宝?你系咪卧底呀,哈哈哈......”然后祖儿同女歌迷讲,“载咗佢啦! 锡啖先啦、打个车轮先,恭喜晒!”女歌迷拿住花喊住同祖儿讲,“花以为送畀你”,祖儿话,“系属于你架啦,我心领啦,我送首《华丽邂逅》畀你啦,祝你哋永结同心,恭喜晒生多几个。”

吴浩康与祖儿合唱

吴浩康与祖儿合唱

昨晚,曾华倩,黄又南,C AllStar的陈健安,Robynn & Kendy的孙晓慧,古巨基都均有来捧场。

古巨基都有到现场