*

upload_article_image

朋友劝带眼识人 姚子羚盼付出真心觅真爱

子羚加油!

子羚表示感情事一向随缘。

38岁的姚子羚(Elaine)在TVB新剧《包青天再起风云》中担正,饰演亦正亦邪的“纪念念”,同“云千羽”胡定欣系好姊妹,“包拯”谭俊彦用大红花轿迎娶的夫人,惜有缘无份。现实中Elaine情路亦相当坎呵,今年5月流出的“牀照”兼被指搭上花弗人夫Raymond,甚至抢好友Sarika(蔡宛珊)老公。痛定思痛的姚子羚坦言:“只要愿意付出真心,人哋唔领情咪算囉。”

姚子羚情路坎呵,不过她说只是缘份未到。

姚子羚在《包青天再起风云》中用心演出,剧情后段被踢爆细作身份有好大发挥:“啱啱出街𠮶幕胡定欣同我反目对打戏,我要吊起打后空翻,因为条腰旧患,战战兢兢下完成,打到手脚都瘀晒,好深刻。另外,后段好多喊爆嘅情感戏,其中成亲戏同谭俊彦泪斗泪,由于转机位,keep住情绪几粒钟,原来谭俊彦系TVB数一数二最喊得男演员,佢好似开水喉咁,喊极都有,我唔可以比下去。除咗佢,陈展鹏都喊得,好快眼都红晒。”子羚承认,之前的《包青天》版本太深入民心,要打破传统唔容易,不过,她反而欣赏某啲新嘢:“好似包大人模拟凶手点杀人,仲加入感情线,都几得意。”

“胡说八道”好姊妹及身边老友都撑她。

当日的桃色风波,问子羚有否担心累到《包青天》要存仓?她轻松说:“当日我冇谂咁多,不过,除咗出呢套剧,仲拍紧新剧《大步走》,证明公司系相信我。人生会遇到好多难题,跳出去睇,原来系有得着,发觉喺人生里面有好多人锡我,好似监制文伟鸿同埋‘胡说八道’好姊妹等。”子羚强调自己系一个低调务实嘅人,一向行最踏实嘅路,从来冇谂过桃色新闻会发生在她身上,“呢件系唔开心嘅事,既然发生咪面对囉,冇乜嘢唔可以面对,而且冇去伤害人,过程上系有人想伤害我,但亦有好多人系好锡我,呢啲人生经历唔系一定唔好,可能得到嘅比失去嘅更多。”

姚子羚真情剖白,无惧再谈旧爱Raymond。(东周刊图片)

至于会否提醒自己以后带眼识人?子羚答得认真:“好多人都问过我,我反而想问点样叫唔带眼识人呢?我只会觉得,做情侣或交朋友,大家都要攞个心出嚟,吓吓抱怀疑态度,除咗攰,咁样交往会变恶性循环,一段关系好难建立,两个人总要有付出,咪唔好怕蚀底,做乜都好,只要愿意付出真心,人哋系会知嘅,如果付出真心,人哋唔领情咪算囉,讲真吖,对方有心隐瞒总有方法。”至于抢好友老公的报道,子羚表示,“报章写嘅只系事实嘅一部份,唔想再解释,只要当事人知就得。”至于有否再同Raymond联络?她说,“已少联络,只系朋友关系。”

姚子羚同谭俊彦有好多感情戏,多得对方感情丰富而变成喊包。

同陈山聪担正拍新剧《大步走》,证明公司绝对相信姚子羚。(东星图片)