*

upload_article_image

恩爱夫妇糖黐头睇戏买𩠌 陈豪甜赞老婆煮嘢好叻

陈氏夫妻真系闪到核爆啊~

陈豪与陈茵媺育有两子一女,一家五口绝对是圈中甜爆Family头三位。近年暑假,陈茵媺都会一拖三返加拿大,陈豪就独留香港揾钱。三星期无见,陈太一返香港即表达浓浓爱意,着低胸吊带裙揽实老公自拍兼放上社交平台,公告世人挂老公挂到癫。

之前陈太带三仔女返加拿大过暑假,陈太更揸车带子女四围去。

加拿大返港后,陈太着到靓靓同老公约会,仲同老公头贴头合照。

陈豪目前正同李佳芯赶拍《美丽狂想曲》,有空档就同老婆享二人世界。

日前,穿着蓝色恤衫加短裤加loafer鞋的陈豪,拖着身穿柠檬图案印花伞裙的陈太在ifc看电影,二人看的是荷里活两大男神Leonardo DiCaprio及Brad Pitt孭飞的《从前,有个荷里活》。两公婆计划好周详,5点散场,再去超市买𩠌返归刚刚好。

难得陈豪有假期,两公婆睇完戏再黐实买𩠌。

二人先去买扒,样样都想食,陈太想了一会儿就入手靓牛扒,之后再行去买鱼生,花多眼乱又系样样都想食,最后陈太选了三文鱼。最后去买埋日本面同日本酱油加昆布,有面有鱼又有扒,简直完美。

煮西餐叻啲嘅陈太见到成柜靓扒心思思,拣咗一阵即入手。

当日两公婆买咗扒、鱼及面,因为鱼生柜太多选择,陈太拣咗一阵先拣到三文鱼。

有肉有鱼,两公婆去买埋日本面,茵媺负责拣,陈豪负责睇住老婆拣同望住记者笑。

两公婆真系黐实行超市买𩠌,连买面包都连体的。

当日陈氏夫妇买咗呢堆食品,全部靓嘢。

付款后,陈豪负责拿,老婆则负责靓地行,遇到记者,陈太即开心指住记者打招呼,还主动报料:“阿Mo今日得闲,有时间就拍吓拖。”问当晚边个下厨?陈豪即刻指住老婆,一脸满足加自豪的说:“佢煮嘅,佢口依家煮嘢好叻。”还表示:“小朋友都系同我哋食同一样嘢。”被赞茵媺系咁笑,全盘接收老公赞美,“我煮西餐比较叻啲。”赞美老婆后,二人行去商场平台等车,十多分钟司机揸车接走两位老细,临上车前,陈氏夫妇便记者温馨讲再见。

陈氏夫妇好开心,买嘢会笑,同记者讲嘢又不停笑,临上车都系咁笑,真系好钟意笑。