*

upload_article_image

自认报喜不报忧 欣宜想不通即找“救命钟”邓小巧

欣宜指小巧很大智慧!

郑欣宜最近推出新歌《救命歌》,内容讲求救不如自救,只要肯伸出手,会发觉挫折并不可怕。她坦承想不到推出新歌时,遇着香港风雨飘摇,令她好矛盾,因为实在太应景,但同时又不想看到香港出现这情况。自认爱报喜不报忧的她,讲到圈中的“救命钟”除了闺密许廷铿外,近期就有好有大智慧的邓小巧。

欣宜坦承虽然爱笑,但没遗传妈咪沈殿霞的“开心果”性格,个人好敏感及易转牛角尖。

欣宜自爆其实这首歌收了很久,但制作过程一波三折,“其实我收到林家谦首歌时,已经好钟意,仲有画面,见到有个人伸手去摸个头,好似安慰紧人咁,但遇啱公司财困拖迟咗开始,后尾我揾咗蓝奕邦去写词,但同佢又拗咗好耐,佢个角度系比较灰,但我想用个正面啲感觉去睇。”

早前欣宜远赴挪威奥斯陆为歌曲拍MV,感激导演庄少荣相助,“其实阿荣系去探朋友同埋旅行,顺便帮我拍埋个MV,所以真系好多谢佢。”

结果花了年多,歌曲正式面世,却遇上时局问题,欣宜表示:“其实我都好矛盾,隔咗9个月先再出新歌,但首歌好似太应景咁,喺宣传角度系有帮助嘅,但系真系唔想见到香港咁样情况,唯有宣传做得低调啲。”

欣宜去了个小镇拍摄,风景相当靓,“我喺中餐厅仲遇到个小妹妹系我fans,佢见到我出现喊晒,令我好感动。”

谈到平日向人求助,欣宜说有问题好少同屋企说,“我系个报喜不报忧嘅人嚟,一个人住咁耐都惯咗自己解决问题。不过,我系个好敏感嘅人,有事谂唔通都会揾吓朋友倾吓,圈里面除咗许廷铿,近排我会揾邓小巧,佢系近年朋友介绍认识嘅麻雀脚,但系佢个人好有大智慧,好多时佢一句说话就帮我解到个心结。”欣宜坦言一个人生活,有时都会觉得寂寞,想拥有自己家庭,“但男朋友唔易揾,都想遇到一个明白我,同我一样欣赏艺术嘅男人。”

习惯对住家人报喜不报忧的欣宜,好少同嗲哋郑少秋倾诉。

欣宜话在小巧身上学到豁达,令心情变好。