*

upload_article_image

立志当演员愿为TVB卖命 出炉港姐恨拍剧

最心急的Fei更说想半年后即入戏组!

新鲜出炉港姐25岁冠军黄嘉雯(Carmaney)、23岁亚军及最上镜小姐王菲(Fei)和19岁季军古佩玲(Kelly),虽已夺奖一星期,但她们依然觉得好梦幻,亦好想再多谢朋友、家人和男朋友一直支持,还说不担心入行后,与男友感情有变。Carmaney和Fei参选时已立志当演员,想不到连 Kelly都计划好,卸任后即入行,最心急的Fei更说想半年后即入戏组,好想扮多些不同角色,三人还说到明最想和视帝黎耀祥合作拍剧偷师,做好了入行准备,看来TVB又有新花旦接班啦!

三人坦承宣布入三强后已松一口气,因知道肯定有奖在手。

三位佳丽都直言得奖后因太兴奋,谢词都有不少遗漏,Carmaney话:“我唔记得多谢父母,佢哋一直好支持我,仲成日担心我承受唔到压力,想话畀佢哋听我好坚强,唔使担心。”问到未得奖前,已有小三及拜金女等负面新闻流出,Carmaney说心情没受影响,“因为全部都唔系事实嚟,所以冇影响到我比赛心情,同埋我都有心理准备,入行后依然会继续有呢啲负面新闻。”

左起:季军古佩玲(Kelly)、冠军黄嘉雯(Carmaney)、23岁亚军及最上镜小姐王菲(Fei)坦言到现在仍未相信得奖的事实。

Carmaney和Kelly早已公开有男友,分别是瑞士籍的Matej和加拿大多伦多读经济系的师兄,原来 Fei同样名花有主,“佢系我中学师兄,拍咗拖三年。”三人都话男友好支持自己参选港姐,亦不担心入行后会影响感情。

Carmaney的瑞士籍男友Matej,决赛当晚有到现场支持她。

Kelly 跟多伦多读经济系的师兄拍拖已有年多。

三人更已计划好卸任后即入行,一直恨做演员的Fei更加极度心急,“我好想快啲拍剧,未卸任就开始拍都得,希望半年后就有机会啦!”至于正在多伦多读大学的Kelly亦决定留港发展,“缷任后我会继续留低,学校好好,暂时留住个学位,或者迟啲用遥距方法完成课程都未定。”

最心急入行拍剧的 Fei,本身已参与过不少短片及广告演出。

问到拍剧想跟那位艺人合作,三人都好雀跃话一定有黎耀祥份,还异口同声说:“参选时祥哥算系我哋导师,佢教咗我哋好多嘢,佢演技又咁好,相信同佢合作一定会学到更多嘢,可以成日偷师。”不过,除了拍剧,三人都话对参与综艺节目一样有兴趣,不论是节目主持、真人骚、或者搞笑节目一样没问题。

黎耀祥成为三位港姐最想合作拍剧偷师的艺人。

这段日子三人日日对住,都觉得跟对方有一定了解,Fei和Kelly更试过同房。要她们互数优缺点,Kelly虽被赞对人体贴又成熟,但讲到缺点两个姐姐就不留情,Fei坦言:“佢讲嘢好夸张,好容易令人觉得佢假,不过我相信佢系真心嘅。”Carmaney更加老实不客气直指:“佢成日迟到呀!”本来Kelly想否认,但工作人员也认同,她只有乖乖地认衰,“都冇乜点解,因为我钟意瞓觉,连襟咗闹钟都唔知再瞓。”

被指是富二代的 Kelly,决赛当晚妈咪、哥 哥及阿嫂都有撑场。

Kelly以176万票夺得“今日头条最喜爱香港小姐”奖,她坦言都觉得好惊讶!

而被两位妹妹公认大方得体、完全是港姐典范、兼且倾心事好对象的Carmaney,就被Kelly爆好乌龙,“佢试过唔记得攞嘢。”而Fei亦话,“我都唔知算唔算缺点,佢笑点真系好低,仲要隔几日攞番嚟笑。”Carmaney觉得这方面要改善,“我都要谂方法,唔系第时拍嘢会影响其他人进度嘛!”

模特儿出身、5呎7吋的Carmaney,拍照大骚长腿相当有台型。

去年Carmaney代表香港到日本参加年国际小姐竞选。

性格开朗的Fei,被两位好姊妹大赞充满正能量,亦钟意搞笑,好容易令身边人开心,不过被爆太不修边幅,Kelly笑言:“佢可能太过男仔头性格,有时唔打扮太求其。”Fei亦知衰,“我都知道当选后唔可以再咁样,会影响港姐声誉,已经改善咗好多。”

Fei坦言决赛当晚,每过一个环节都觉得自己赚咗。