*

upload_article_image

睇好余晓彤成打女接班人 49岁梁琤自言有自虐心态最钟意打

梁琤指打的感觉好爽,即使受伤都好值得。

被誉为影坛“最温柔的打女”的梁琤(Jade)在新片《不义之战》中再演Madam,带住特种部队女警冲锋陷阵执行任务。49岁的Jade不止身手不凡,宝刀未老,个样还好襟看,之前TVB重播《烈火雄心》,饰古天乐女友的她样子清纯,网民激赞梁琤28年来一样咁靓,对此,她竟说:“讲真我从来唔觉得自己靓,只系个样唔乞人憎。”

邓洢玲、梁琤、余晓彤在新片中大显身手。

Jade在《不义之战》中为执行任务,带领一众“霸王花”何佩瑜(Jeana)、余晓彤(Hidy)及邓洢玲(阿旦)等同唐文龙恶斗,上演多场埋身肉搏激战,Jade说:“有场戏要我喺车跌落地,足足拍咗20几次,痛到只可以用意志力撑住。不过,班小师妹好劲,佢哋有小小似当年嘅我,系打女接班人,尤其Hidy好勇,就算受伤照上阵,香港绝对要有动作女演员接班人。”

因为20年前的旧怨,唐文龙要向梁琤寻仇,打到飞起。

梁琤由车跌落地的场口,虽然垫咗pad,但拍咗超过20次,所以都觉得好痛。

被赞的Hidy愈战愈勇,坦言最钟意拍打戏:“好少有戏可以畀女性玩咁多款枪械,本身预开1000发子弹,因为我哋开得太爽,共开咗6000发,好彩老板支持,话超支都冇问题。”阿旦参加过《G1格斗会》被指出手够狠,但她笑指自己系最渣的一个:“因为踢腿唔够靓,唯有将勤补拙,最后踢爆咗趾公脚甲,连行路都好痛。”

何佩瑜、林明祯、林琳奇及余晓彤均是梁琤属下的霸王花。

片中都有穿紧身衫造型,Hidy笑说:“呢啲梗系留返畀Jeana同阿旦顶住,其实我哋主要卖实力,好多动作场口都亲身上阵。”Jade笑说:“同佢哋后生女比性感,我要行埋一边。(但网民仲赞你28年嚟一样咁靓㖞!)我唔觉得自己靓过,今次我都有追睇《烈火》,死𠮶场睇到自己都喊,被沙掩盖得返个人头,场戏拍得几辛苦。唔知系咪有自虐心态,试过咁多角色,始终都钟意打,现场气氛会令人肾上腺素上升,感觉好爽,即使受伤都好值得。”

片中阿旦有晒32E身材的机会。

Jeana的戏服都几性感。

Jade都有翻睇《烈火熊心》,自言唔觉得自己靓过。