*

upload_article_image

离巢作获网民力赞 李施嬅等足15年对攞奖冇期望

迟来的春天......

近日TVB热播剧集《金宵大厦》获得好评,女主角李施嬅演技被赞,估不到离巢后首推的作品得到绝佳评价!可惜迟来的春天,李施嬅在TVB等足15年,与视后完全无缘,,有剧迷觉得TVB欠她一个奖,施嬅既开心又无奈,更表示“冇奖咪用其他方法去鼓励自己囉。”

剧中跟陈山聪有好多亲热戏,亦有只靠眼神交流。

李施嬅坦白说:“剧本好好,受欢迎系好开心嘅,而且好朋友陈山聪第一次做男一,更加有意思,但o依家唔会再期望攞奖,喺TVB咁多年有过希望,失落亦试过,经历咗咁多都大个喇,成熟喇,冇奖咪用其他方法去鼓励自己囉。”已转投美国经理人公司的李施嬅不介意回巢协助《金》剧宣传:“入返去TVB感觉冇乜特别,只系因为我冇艺员证,出入电视台要登记,𠮶刻先发现原来我唔再系佢哋艺人,入到去其实又冇乜嘢。”

扮60年代妈妈生,李施嬅表现好风骚。

《金宵大厦》中她分饰空姐及60年代妈妈生:“做风骚妓女有好大挑战,因为要姣,著住旗袍骚首弄姿,又要卖弄性感放电吸引客人,甚至要食冇滤嘴嘅烟,同我本身性格有好大落差,所以要豁出去。”施嬅坦言自己比较保守,“就算去旅行都畀姊妹取笑着三点式泳装,但贴出嚟嘅相只见大头,至于姣唔姣得起?咁就要交畀观众评分喇。” 

再唔系“亲生女”的李施嬅看淡奖项,对TVB零期望。

对于山聪指施嬅带住他入戏,应该攞返个视后!对此,施嬅取笑准新郎:“佢话过拎视帝就结婚,即o依家攞视帝啦,公司应该送个视帝畀佢做贺礼,等佢双喜临门。”对于山聪表现,施嬅觉得老友今年好有机会,“套剧有得发挥,同埋佢行紧运,喺公司咁多年都差唔多啦,畀个视帝鼓励佢都应该。(咁你有冇期望有奖呢?)我冇㖞,(因唔再系亲生女?)其实奖项呢啲嘢,喺几年前经已冇谂啦,因为控制唔到嘅嘢,而且奖得一个,每年有咁多演员,冇话轮到边个,o依家唔会再好想要,当然有咪开心囉。”

有场戏李施嬅被李家声虐打,因为好狼狈忍唔住笑。

跟crazy runner成员豹哥、豹嫂、袁伟豪、张宝儿、陈山聪及准太太Apple常相聚。