*

upload_article_image

处女个唱大压力致暴瘦 谭嘉荃性感演出答谢粉丝

经理人汉洋爆料指到时歌衫可能会再少布啲!

歌手谭嘉荃(Amy) 入行19年,等开个唱等到颈都长,原先于9月5日在九龙湾展贸举行处女show,最后因天气关系延期至11月22日,连演出场地都改为旺角麦花臣场馆。Amy意外地转战大场,压力更大,经理人汉洋不止出钱又出力,还要做埋心理辅导员,汉洋坦承:“佢系个好需要安全感嘅人。”

谭嘉荃等咗19年终于圆梦举行《一路上有你演唱会》。

谭嘉荃喺原先开Show当晚,透过社交网开咗个“天气不似预期Live”嚟答谢歌迷。

汉洋为怕Amy开Show改期会惹来是非,所以坚持改期后于大场举行,“其实上次开售无耐就Full house啦,虽然细场得500个位,但呢个市道真系好好喇,改期后座位系多咗,有做生意嘅朋友就拍心口同我封蚀本门,话‘如果卖唔晒有我哋包底。’睇10月4号门票开售去势好ok,而且有朋友追加咗啲飞,票房唔系问题。”

谭嘉荃在演唱会上会跟汉洋合唱《其实我介意》。

汉洋又指Amy压力好大,“我同佢做咗好多心理辅导,佢系紧张大师,我同佢讲,话个天再畀机会你,等你喺更好场地及环境演出。”今次演唱会改期虽然令汉洋损失6位数字,但买个安心都叫值得:“既然当时预计开show当天有可能会挂八号风球,我唔想Amy开show前承受太大压力,诚惶诚恐反而做得唔好。”

之前谭嘉荃出席私人宴会时,有小朋友粉丝求合照。

谭嘉荃之前喺一部讲器官捐赠的电影中演妈妈生,罕有地低胸演出。

Amy则坦言好需要安全感,始终第一次开演唱会没什么经验,比一般人紧张十倍,更消瘦至摸到肋骨,连生日饭都要押后食,“真系要畀掌声经理人,同时好感谢表演嘉宾李国祥撑到底,改期演出都冇问题。”问到点报答汉洋?汉洋即抢答说:“咁熟唔使啦!最紧要佢做好个show。”至于可会性感演出来答谢观众?汉洋即爆料:“原本跳舞部份系着tube top,因为舞台大咗,衫都要再夸张啲,可能再少布啲。”谭嘉荃说:“佢真系嫌我套衫唔够性感㗎,唯有再keep fit啲配合。”

汉洋嫌谭嘉荃着tube top劲歌热舞唔够性感。

KC为Amy担任个唱嘉宾。