*

upload_article_image

开Show又食又拎感激阿戚 贾思乐怕佗B杨思琦太兴奋

好多朋友支持!

贾思乐(Louie)将于下月12及13日在文化中心举行《Me & My Girls in Concert 2019(part2)》,并邀得电视台过去及现在的六大花旦戚美珍、毛舜筠、向海岚、陈秀雯、杨思琦及陈炜担任嘉宾,除“三嫂”阿戚是Louie生命中的天使外,毛姐同陈秀雯亦好难请得到,而思琦妹大住个肚同他合唱亦非常难得!Louie笑说:“我从未同过大肚嘅女士喺台上表演,兴奋同开心,知道佢有咗,我有小小忠告畀佢,就系唔好喺台上咁兴奋,惊佢太开心时,唱唱吓个bb砵一声生咗出嚟就好笑喇。”

早及后期的电视台六大花旦做贾思乐个唱嘉宾。

贾思乐好感激当年戚美珍患难见真情。

对于杨思琦秘婚及再做妈咪,贾思乐之前全不知情,早于7月9日影宣传海报时,初孕的思琦著住由何国钲设计的束腰Deep V红裙,思琦身形还未见有异,加上思琦向来系有料之人,所以并唔察觉其胸部有怀孕的膨胀。直至最近听到思琦喜讯,贾思乐兴奋说:“真系好恭喜佢,佢话我脚头旺佢,相信佢都旺我嘅,到时我同佢合唱张学友一首难度好高嘅英文歌,我一定会扶佢上落台,照顾周到。”

近年贾思乐爱周游列国享受人生。

之前贾思乐为胡枫演唱会任嘉宾。

Louie坦言同思琦唔熟,“第一次见佢系佢出席一个活动,我做司仪,喺后台见佢好静,我咪坐佢隔离同佢倾偈,后来知佢识唱歌,因为好少港姐自称会唱歌所以对佢特别有印象。原先5月尾我揾佢时,佢话要返美国帮唔到我,后来又话好想同我合作而延期返美。”至于“三嫂”是Louie的大恩人:“佢唔会托我手踭,记得20年前离开电台,事业低潮时想出返嚟唱歌,因为资金有限要揾赞助,我就攞住演唱会海报去敲佢眼镜舖头门,硬住头皮开口想佢赞助万元金额,佢爽快答应仲开出双倍数字话:‘我畀多少少嚟鼓励你,出返嚟唱歌要型同靓。’语毕攞咗几盒眼镜出嚟任我拣,我好眼浅,又食又拎感动到眼有泪光,后来佢仲买咗近百张门票嚟支持我。”阿戚指贾思乐人品好,非常抵锡。