*

upload_article_image

《牛下》翻生收视高执身彩 吴岱融张振朗唔怪黄心颖

人生如戏,真系好似坐过山车!

TVB剧《牛下女高音》播出唔够两星期,不但口碑唔错,最高有成27.1收视点,身为主角的吴岱融同张振朗当然开心。其实呢套剧一度因为黄心颖的偷食事件,搞到变成仓底货,仲谂住揾江嘉敏补拍过先推出,估唔到依家成功翻生做埋台庆剧,仲有咁好成绩!

剧中“大爆”好鬼怕龚慈恩饰演的老婆“静怡”。

《头条日报》报道,虽然个剧咁多波折,学岱融哥话斋“真系似坐过山车咁!”,但系问到佢同张振朗有冇怪过黄心颖累街坊,佢哋都异口同声话:“真系冇怪过佢!”凭该剧成功破咗“地狱黑仔王”恶名的张振朗,仲话睇嚟套剧条命好硬,咁大家嚟紧就睇吓收视,可唔可更上一层楼!

岱融哥大赞剧本正,作为演员演起来特别爽。

岱融哥话最初收到该剧剧本时,已觉得系妤嘢嚟,“真系要赞吓编审龙文康,佢真系写得好好,除咗难得用中佬做主题,内容仲够晒贴地,演起嚟都容易投入好多,相信观众睇起嚟都好易有共鸣。”

讲到角色“大爆”,他都认为同自己几似,“我对住老婆都系报喜不报忧多,好似‘大爆’咁都系唔想佢担心啫!(系咪都咁怕老婆?)我哋呢啲系尊重。”不过讲到“阴柔”,佢就强调:“我谂每个男人都介意人咁讲,所以话个剧讲出好多男人心声,贴地囉!”

现实中,岱融哥都好尊重老婆钟淑慧。

该剧本来惨被黄心颖连累变仓底货,岱融哥坦承:“真系好似坐过山车咁,拍嘅时候好开心,点知又话播唔到,后尾又变咗台庆剧㖞!心情真系好似坐过山车咁㗎!”不过他无对心颖不满,“真系冇怪过佢,都唔到佢控制嘅。”

岱融哥剧中饰演心颖包租公,有不少对手戏。

讲到个剧成绩好,他都觉得好开心,仲希望可以多啲这种题材剧集,“暂时剧集口碑同收视都不俗,都希望可开拓中佬主题嘅剧,其实中佬有好多故事可以讲。”

戏中和现实同心颖都一样老友鬼鬼的张振朗,由始至终都冇怪过对方。

张振朗觉得套剧集合不少如岱融哥的好戏前辈,可惜跟他们的对手戏不多。

他更想剧中的中佬合唱团可以继续维持落去,“我哋一班中佬合作得好开心,平日通常分开合作,对手戏又唔多,今次大家真系过足戏瘾,呢个合唱团现实可拍住演出,揾埋真银就更加好啦!”

今次《牛下》难得以一班中佬做主题,岱融哥都希望中佬演员凭此发围。

张振朗坦承最初个剧播唔到,仲畀人封做“地狱黑仔王”,不但冇怪心颖反而谂系咪自己问题,“𠮶时都有担心系咪自己累街坊呢?但依家播到仲做埋台庆剧,我成功破咗地狱啦!但我真系冇怪过心颖,我哋系朋友,冇佢呢个咁合拍嘅对手,唔会有咁多火花,我哋互窒啲戏,系一齐度出嚟,好似有场戏我仲突然将成个橙塞入佢个口度,佢个反应好真实,要大家好熟先做到。”讲到每个剧都有佢条命,他即搞笑说:“咁呢个剧条命好硬!”

张振朗跟ViuTV艺人杨偲泳今年4月正式公开恋情。

对于《牛》剧中唱《一生何求》获好评,他坦承恨有多啲唱歌机会,所以希望自己有份演的剧都顺利出街,特别是首部担正的《坚离地对坚离地》,“听讲会喺马来西亚播先,呢套剧我瞓晒身去演,仲第一次唱埋主题曲,所以特别想佢出到街。”

张振朗好开心该剧收视和口碑都好,令他成功“破地狱”。

32岁的张振朗又指跟26岁女友杨偲泳,会互相支持对方作品,虽然早前被传媒影到见埋家长,感情稳定,但暂时未有结婚打算,“我哋依家仲系事业搏杀期,有车有楼先谂结婚啦!”经常在社交网放凑姪仔日常的他,坦承好钟意小朋友,将来一定做老窦之余,仲话拍剧都想过吓老窦瘾,“除咗做癫佬、奸角外,我好想试吓演好似《阿郎的故事》𠮶啲咁嘅老窦,成日整蛊吓个小朋友应该几有火花㗎!”

张振朗最希望跟龚嘉欣首度担正的《坚离地对坚离地》能够顺利播出。

张振朗访问当日巧遇欧瑞伟,更自爆当日该剧宣布唔播时遇上对方,两人互拍膊头互相鼓励,今天再遇又是另一番心情。