*

upload_article_image

同陈滢拍外景有讲有笑 杨明大赞女友靓唔怕被电晕

小心传绯闻!

最近“大忙人”杨明连踩两组电视剧,叠住演出刘家豪监制的《逆天奇案》及陈耀全的《伙记办大事》。日前他跟陈滢(Jeannie)去咗西贡早禾坑码头拍《伙》剧外景,现场途人唔多,拍得相当顺畅。呢期好旺的杨明戏里戏外都笑骑骑,仲不时同索女陈滢有讲有笑,小心传绯闻㖞。

杨明Chok住拍,好投入。

杨明戏里戏外都笑骑骑,一脸轻松。

杨明同陈滢日前喺西贡早禾坑码头拍外景时,获剧组高设防包围及保护,传媒不能走近探班。

杨明喺新剧《伙记办大事》做交通警,但成套剧都无缘骑上铁马。日前杨明去西贡拍外景,场口讲陈滢饰演的卧底货Van司机,因为要车社团成员李泳豪去码头著草,刻意驶走杨明去买雪糕。因为系文戏,两人拍得相当轻松。N次演警察的杨明好入戏,chok到爆,他强调唔担心喺呢个时候做警察会较为敏感:“早于喺《机动部队2019》、《机场特警》、《网络骗案》我都系警察啦,演员系要做好本份,而呢套剧就以感情戏为主,其实唔太关警察事。开外景至今都好顺利,无受到任何事情影响,不过公司都有畀指引我哋,提醒我哋要睇环境,小心啲执生去保护自已囉。”

陈滢饰演卧底货车司机,所以收起性感,著牛仔裤现身。

未知有无亲热戏

问杨明今次有冇畀好惹火嘅性感女神陈滢电晕?杨明笑说:“唔怕,思明都靓呀!我同Jeannie曾客串过两集《降魔的2.0》,佢做保护我嘅灵魂,Jeannie好随和,好有活力,同佢合作得几舒服,因为未出晒剧本,仲未知有冇亲热戏。”

Jeannie系女神,绯闻量极多。

杨明抱住小朋友同女友庄思明影相,一脸幸福。

杨明揽实靓女港姐陈晓华拍《网络骗案》。