*

upload_article_image

亿五身家郑伊健不老之谜 原来最钟意同细路玩

大细路一名~

话咁快郑伊健就52岁,年头先喺香港开完六场演唱会,之后再去美国、马来西亚同内地开Show,有观众缘好重要,咁都要啲歌好听嘅。未有戏拍嘅伊健唔算太忙,喺巡回Show之间都可以约朋友饭聚。11月3日(日),伊健开完天津Show翌日即约老友,其御用监制陈光荣及两女一男一小朋友一狗狗食晚饭,发咗小小福,头发依然咁浓密的伊健大部份时间同小朋友吹水,离开时一大一细黐实密密倾,画面好治瘉。明白点解伊健5字头感觉仲咁Young,一有钱,二心境年青,明晒。

伊健当晚好好胃口,Pizza一块接一块。

郑伊健真系好完美,靓仔但专一,有钱又孝顺。同蒙嘉慧结婚六年,早前就将旗下公司“EK Plus Limited”加入太太名字担任董事,又掟千万买入元朗地皮起村屋送畀岳父安享晚年。11年老婆遇上交通意外,翌年遭被撞车上乘客入禀高院索偿403万,当年仍属男友的伊健,全面协助YoYo面对官司诉讼,官司终在去年尾完结,获法官宣判赔偿金额减至51万,成功为妻讨回公道。

戴咗个眼镜好文青嘅伊健食完嘢离开,佢一直伴随小朋友,撩完狗狗再同小朋友倾埋下半场。

而伊健在年初在港完成6场红馆演唱会后,为奖励自己,一向爱买“砖头”保值的他,斥资过千万购入大埔白石角云汇三房单位,据知由操财政大权的郑太决定购入。其实伊健一向爱买砖头,多年来名下持有的物业有增无减,现他跟太太蒙嘉慧在浅水湾雅景阁的爱巢,于2007年以2,800万购入,现时市价已升至6,000万,计埋早年买落的黄埔花园、西贡村屋、匡湖居及元朗地皮,估计身家达亿五。

伊健同坐对面嘅小朋友好好倾,远望伊健块面胀咗啲啲。

其实伊健近年主力开Show,吸金力超强。

当日晚上7时,伊健同朋友去咗浅水湾寓所附近的食肆食Pizza,一行六人加一只古代牧羊犬开心食足个半钟,伊健同坐对面嘅小朋友好好倾,差唔多倾足成程。食饱埋单,众人筹期,每人两百好经济,伊健食饱戴番副眼镜就离开,望落伊健好似发咗福,面圆身又圆,一行六人离开餐厅,伊健开头挂住撩狗狗,之后就同小朋友继续行住倾,一直行到返屋企。

伊健同蒙嘉慧结婚六年,今年YoYo 46岁生日,伊健购入一架小型Jeep作为老婆生日礼物,锡到㶶。