*

upload_article_image

“神算师”认真拣银包 王梓轩随身成叠500蚊

买银包都要试过

王梓轩下个月就会开入行十周年演唱会,呢期当然忙做Gym,因为男歌手开亲Show都话要骚肌。不过日前《头条日报》见到梓轩未算好大只,见佢一支公去咗Porter(日本品牌)拣银包,为试真啲银包嘅袋钱量,佢将自己银包𠮶叠500蚊放落去新银包,再秤吓再望吓再谂吓,装得落就入手,众所周知梓轩有名“神算轩”,经佢计过度过一定无问题。

梓轩试斜孭袋,仲放埋手提电话入去试。

今时今日好多人都用电子钱包,但好富贵嘅梓轩仍然选择袋一叠钱出街。

梓轩开Show未透露请咗边个做嘉宾,但就讲定演唱会会提早喺晚上7时15分开始,问到系咪迁就交通?佢承认,“希望观众开心及安全嚟睇骚。”再问会否担心取消?佢就话其中一名投资者曾帮周杰伦搞演唱会,“佢叫我唔使担心,到时会安排穿梭巴士接送观众。”如果会展附近变“仙境”呢?投资者帮Michael Jackson搞过演唱会都无用啦。

梓轩拣咗成粒钟,拣咗好多嘢。

一个人Shopping嘅梓轩买得好开心。

当日傍晚6点,戴住金丝眼镜同穿恤衫嘅王梓轩去铜锣湾百德新街买银包,梓轩咩款都望吓,会将信用咭之类嘅东西或一叠500蚊放入新银包睇吓,见到装得落唔太胀,入手唔使谂,之后再试斜孭袋,孭上身照吓镜,个样好满足,拣足一粒钟,梓轩笑笑口离开。

孭住斜孭袋嘅梓轩系咁照镜。

买完嘢,梓轩见到记者挥手Say Bye。