*

upload_article_image

中环戴口罩拍拖 刘青云同老婆浪漫共享火腿

简单,就是幸福!

好多明星出街都钟意带口罩,保护自己免受不必要骚扰,刘青云夫妇都系口罩拥护者,每次两公婆陪青云父母去睇医生,或者两公婆去中环买嘢,口罩是必须的。上周二下昼5点,《头条日报》见到一身便服嘅刘氏夫妇去中环ifc行街,从两人睇水牌又企餐厅门口睇餐牌嘅动作可知,两公婆肚饿想揾嘢食,然后两人拣咗间西餐厅,仲坐正可以望街嘅落地玻璃窗位,一碟火腿加多士两份食,再配橙汁同白酒,Cheers。

刘氏夫妇一出街就带口罩,但两人实在太易认,口罩形同虚设。

刘氏夫妇拣坐落地玻璃位,可以望到街,又可以畀行街嘅人望到。碟Ham份量好少,两人分甘同味。

今年9月,由刘青云主演的电影《我的宠物是大象》未能如期上映,令电影公司及投资商损失严重,早前已引发多宗官司。青云收钱拍戏,上唔到完全唔关佢事。而翻查资料,呢期刘青云未有戏拍正值休假中,不过佢同老婆郭蔼明都系低调之人,无必要都唔会出席公开活动,乐得清静。

当时五点,处于想食嘢但唔太肚饿时段,所以两公婆选择轻食。

上周二下昼5点,刘氏夫妇着到好轻便现身ifc,刘太拎住tote bag,刘生拎住个citysuper胶袋,两公婆喺商场兜咗一阵,见佢哋睇吓水牌,见到餐厅又会望吓人哋啲餐牌,举动话畀人知佢哋揾紧嘢食,两人唔拣择,揾咗一阵就入咗一间西餐厅。

两公婆行咗几间餐厅,每间都会细睇餐牌。

餐厅有好多位,但两公婆唔坐餐厅中心位置,选择坐喺可以望街嘅落地玻璃窗位,即出面有人行过,可以180度欣赏两人食嘢嘅风采,刘氏夫妇份人都几有趣,行为低调但又唔怕食嘢畀人望住。等咗一阵,侍应送上一杯橙汁同一杯白酒再加一份杂锦火腿,内有火腿、多士、干酪同青瓜,每样少少,仲要两公婆Share,明显当下午茶,快食20分钟就离开,两人一离开ifc,七人车就校啱时间到达,上车后青云仲同记者讲bye bye。

食饱上车返归,青云夫妇同记者礼貌讲拜拜。