*

upload_article_image

谭嘉荃处女个唱改场 无打算取消周五麦花臣骚

“尽可能都想如期演出,或者会提早开骚,希望尽快可以散场。”

为庆祝入行20年,谭嘉荃(Amy)决定今年举行处女个唱“谭嘉荃《一路上有你》演唱会”。原定9月在九展开骚,后因天气关系延期至本月22日,还改在大3倍的旺角麦花臣场馆演出。因此,Amy反而开心,而且她有更多时间准备。不过,眼见今午主办单位突然在FB专页宣布取消晚上的RubberBand及Eman演唱会,Amy系有顾忧嘅。据经理人汉洋表示,两人有为此作出沟通,他拍心口说:“因为系佢嘅处女骚,不论佢同观众都好想继续,就算点样都会做,最坏打算咪再改期,绝对唔会取消咗就算,如非状况太坏或者出咗宵禁令,尽可能都想如期演出,或者会提早开骚,希望尽快可以散场。”

见RB取消咗麦花臣演唱会,汉洋即时向谭嘉荃派定心丸。

李国祥有情有义,就算改咗期都坚持为Amy处女个唱做嘉宾。

汉洋又分析形势说:“因为区议会选举喺下周日(24日)举行,我相信喺选举前夕大家都会抖一抖,不论咩政见立场都想如期进行选举,大环境应该会比较平静,而且麦花臣球场球同弥敦道战场有段距离,照计周五应该冇乜大问题。”日前Amy曾开FB Live试水温,收到3000几个like,反应属意料之外:“仲谂住个个睇紧新闻直播,估唔到仲有好多人追踪佢个Live,比以前做直播反应更好,原来大家紧张局势同时都要纾缓情绪,既然改变唔到嘅事实,The show must go on,只希望局势尽快平静落嚟。而开Live期间,唔少观众都表达想继续睇show。”

日前Amy开Live试水温,睇吓观众仲想唔想睇她演唱会。

Amy处女骚曾因为风雨改期,改到本周五喺麦花臣球场展开。

连日来谭嘉荃落力排舞。

谭嘉荃唔只声靓,身材仲冇得输。