*

upload_article_image

黄又南演患血癌角色 狂减磅仍自责不专业

又南嫌自己太大只。

黄又南和梁雍婷(Rachel)最近在“香港亚洲电影节”开幕电影《再见UFO》内首度合演情侣,又南话跟Rachel沟通得好好,完全不觉对方只拍了三部电影,Rachel就赞前辈够亲切,特别是分手戏份两人都非常投入。讲到戏中要扮演患有血癌角色,又南坦承有为角色专登减掉18磅,但依然嫌自己太大只,自责未够专业。

又南虽然年纪大Rachel足足10年,但孩子脸的他跟女方依然合衬。

又南脸型天生瘦削有助演患病角色,但他不想利用这借口遮蔽自己的不专业。

Rachel坦言是睇又南的作品大,之前有机会跟Cookies的Stephy合作,今次就跟Twins和Shine合作,满足了几个愿望。

去年凭《蓝天白云》获香港导演会最佳新演员奖及香港电影金像奖最佳新演员奖提名的Rachel,相对于入行18年的又南绝对是新丁,但两人合作起来完全不觉经验的差异,又南说:“真系睇唔出佢咁新,我哋沟通得好好。”Rachel又坦承最初见到前辈确实有胆怯,“见到偶像,梗系会紧张啦!但系见到真人咁nice,就放心好多,同埋就算几紧张,埋到位都唔可以影响演出。”

又南和Rachel都觉得这场分手戏最难忘,大家都拍得相当投入。

戏中有不少90年代剧情,又南坦言这正是自己成长年代,感受特别深。

鹏哥演技厉害

戏中又南演的“何家谦”因自小患有血癌,身体较为孱弱,但刚巧去年开拍前他为Shine第二次红馆演唱会《Shine Moments Live 2018》操大只,“虽然我拍前专登减磅,都有成18磅,但系好多肌肉大咗就收唔番,如果系以前身型演起嚟应该更适合,所以我唯有着长袖衫遮住,其实应该再减多啲,我觉得自己咁样唔系够专业。”谈到戏中他跟卢海鹏一段爷孙情感人,又南都相当认同,“我细个都系喺屋邨跟阿爷同阿嫲大,所以感受特别深,同埋鹏哥真系好厉害,最深刻有幕佢见到我喊望一望我,拍嘅时候我真系感受到佢关心我,同埋有佢喺度大家会拍得特别舒服,所有人都会睇佢头嘛!”

鹏哥戏中演绎又南爷爷,他不论跟又南拍档或是跟小演员合演,演绎一样令人动容。

日前又南和Rachel联同徐天佑等,出席该片“香港亚洲电影节”的开幕首映。