*

警察和被捕者的对话 “在警署内有无打人强奸鸡奸?”

近日有大量理大示威者被捕,有疑似警员在网上出post,讲述在警署内和被捕年青人的对话实录:

 

警察和被捕者的对话实录。警察加油专页截图

警察和被捕者的对话实录。警察加油专页截图

话说有人呢几日不停系差馆负责处理理大外拉返黎果班恐怖份子,主要负责派饭,搜男犯身,封财物,再送去court。

呢批大多数廿岁左右,当然亦有少量未成年。 男嘅送到黎乖啲,sir前sir后。 女嘅就把口就衰啲,初时会细细声讲黑警,但过两日就阿sir,madam咁叫。

送上court前要封好哂佢地啲财物,过程系逐个搜身,再系佢地面前封好佢地啲财物,再由佢确认再签名。 咁大家都知佢地成个背囊都系野,逐样分类包及入返资料去电脑都要好长时间,而呢段时间个犯就坐系面前。 大家年纪相若,但思想完全唔同,所以边做边沟通下。

警: 做乜去理大?
犯: 路过咋

警: 路过都著住反光衣,背囊有几枝汽油弹同埋电子产品又包哂防水袋?
犯: (苦笑,但无答)

警: 呢到一日三餐食得好唔好呀?
犯: 好

警: 天气转凉,有无俾毡你冚?
犯: 有

警: 有无警察打你?
犯: 无

警: 有无俾人强奸或鸡奸?
犯: 无

警: 各行各业都有坏人,但警察系咪你地围内传嘅咁?
犯: 完全唔同

警: 煽动你地冲嘅伪人,泛民议员有无去?
犯: 无

警: 知唔知点解佢地同埋佢地啲仔女从来无出黎冲?
犯: er...

警: 拉左你返黎,你要求睇医生,见律师嘅要求除左你同警方知,就无第三方知。 点解我地仲要哂两个人手带你去专留难警察嘅医院睇医生? 点解又安排你打电话俾律师? 你地唔系话警察可以为所欲为嘅咩? 直接话你乜都无要求咪得囉。
犯: er...

警: 首先,我地系正常人。 另外我地有机制要跟,我地都要受监察,唔系你地所讲嘅警权无限大。
犯: 对唔住

警: 有无谂过点解咁多声称被强奸嘅女士都唔敢报警?
犯: 唔知

警: 你望下四周围
犯: CCTV?
警: 无错,差馆周围都系CCTV, 我地知咩事,而佢地都知咩事,所以佢地知报假案只会被捕,到时CCTV上court播,真相大白,所以一直唔敢报。

警: 其实你地都系呢次暴动嘅受害者,但你地错在无正常用脑分析,被有心人误导。
犯: (眼有泪光)

原来拉左佢地,真系救左佢地,至少反省过,识得分返对错。

如是者包好哂,一个个排好哂队等上路。 见到佢地咁后生就断送前途,实在有啲心嗡。 但谂深一层,每个人都要为自己嘅行为负责,犯法嘅成本始终要找数。 当想到佢地仲被迷惑时,意气风发,对香港疯狂破坏,对不同意见嘅人袭击等,佢地曾几何时同情被佢地伤害嘅人?

睇完对话实录,可以睇埋下面的留言,有网民话:“真系苦口婆心!可能佢哋父母讲冇办法听得入耳,真系希望佢哋会受到感化知错能改啦! 香港警察真系犀利仲要做埋辅导员。”亦有人话:“阿Sir仲要帮人教仔,辛苦哂!救到就救,香港精神”

Ariel

** 博客文章文责自负,不代表本公司立场 **