*

upload_article_image

王梓轩狂赞女神娶得过 陈炜爆同男友未到结婚地步

大赞特赞!

陈炜和王梓轩最近在剧集《多功能老婆》首度合作,梓轩坦言期待同炜哥拍档已久,仲大赞炜哥是100分多功能老婆,将来揾到个有炜哥一半的对象都心足。不过问到男友陈医生几时有这福气,炜哥竟自爆未到结婚这地步。两人又提到戏中一场一镜落的牀上戏,梓轩惨被炜哥不停击中要害,提起都觉尴尬。

剧中炜哥演的女强人“万风华”,遇上温室小王子“梅君明”注定情路多波折。

访问中,梓轩狂赞女神,搞到炜哥都有啲唔好意思。

炜哥和梓轩虽然是第一次演一对,对《头条新闻》大赞监制陈宝华的剧本令他们好易投入,炜哥说:“佢个角色官仔骨骨好有才华,真系唔使做,本身都有𠮶种气质入型入格,我好自然就有𠮶份距离感。”梓轩大赞期待跟女神合作已久,“好容易投入,明益我,呢方面真系唔使演,坐底两分钟听把声都有feel啦!系难抽离啫!医生Chan Sorry!哈哈!”

炜哥话跟剧中好姊妹杨千嬅和朱晨丽一见如故,演起来特别放。

梓轩提到剧中演其养母爵士夫人的梁舜燕即眼湿湿,大赞对方气质高贵又善良,对后辈相当照顾。

梓轩又大赞炜哥完全符合多功能老婆条件,“最正嘅女人,唔系千依百顺,系有自己追求嘅事业谂法,自己都希望自己伴侣都系咁,但系难,咁多炜哥咩!(揾到未?)揾到会同大家分享,带畀炜哥过目(炜:见奶奶呀!)佢话有佢五成就OK!”问到炜哥男友陈国强医生有冇呢个福气,她就话:“我点知呀!佢都未到呢一步,我哋冇结婚计划,而家开心就OK!”

7月,炜哥大方承认跟医生陈国强正在蜜运中。

讲到难忘戏份,炜哥即大爆两人有场好激的牀戏,即令梓轩个样劲尴尬,他坦言对住女神怕羞。炜哥说:“讲我哋喺牀度激烈争辩,仲有啲动作,个拍法系一个shot落,由我入屋到牀,由头到尾,都几深刻。我最叻就系,唔使度位,每次都击中佢要害!哈哈!”问到梓轩详情,他即大卖关子笑言:“我中到啲嘢跌晒出嚟,到时大家留意啦!”

“万风华”带少爷仔“梅君明”去食大排当,对方竟然觉得好刺激。