*

upload_article_image

孖麦包首带师奶游台湾 金刚担心女友怕变师奶唔肯结婚

麦包曾提议金刚搞大女友个肚,咁就一定好“惊”喜啦!

麦包(麦长青)和金刚最近拍住主持ViuTV新节目《C9旅行团》,带住班师奶玩转台湾。他们赞首次跟ViuTV合作感觉比娘家TVB自由度更大,但未有担心不能再现身娘家,还表示想仿傚黄淑仪游走三个电视台;讲到金刚有意下年迎娶台湾女友梁云菲,但当他得知女人婚后会变师奶后,即搞笑:“唔可以畀女友知,唔系唔肯结婚。”

带住呢班师奶去旅行,麦包和金刚话比想像中好玩。

今次节目除了麦包和金刚,还有“广告女皇”季军蔡宝欣一齐主持。

麦包和金刚直言,知道拍档是对方便好放心,麦包说:“大家熟有默契好多,有时搞gag都知对方底线同埋知道佢会接到嘛!”首次跟ViuTV合作好新鲜,麦包大赞自由度好大,“佢哋会叫你讲咗先,唔得到时先剪,但TVB会顾虑好多,有时搞gag,譬如话个人好似金刚,但连金刚个名都唔讲得,咁就冇咗个笑位啦!”问到会否怕难再返TVB,麦包就笑言:“未试过都想试吓!(但系黄淑仪可以游走三个电视台呀!)我哋都想呀!”两人更异口同声话非常欢迎邀请,仲大玩食字话:“嚟!乐意呀!”

麦包和金刚话任何电视台邀请,只要工作合适都想合作。

讲到今次同班师奶一齐去旅行,麦包话她们比想像中大胆,“我哋专登揾啲好刺激嘅嘢畀佢哋玩,点知佢哋完全唔惊,想挑拨佢哋闹交又唔成功,所以下次想公开招募全素人参加者,应该会好玩啲。”金刚又提议下次可带母女同行嘅旅行团,帮手解决家庭问题做和事佬,“最好去马尔代夫拍,大家着住泳衣应该会好正。”

想挑衅班师奶,麦包和金刚专登安排一班台湾索女浸温泉,结果都系唔成功。

讲到金刚有计划明年跟女友成婚,但女友要求求婚要惊喜到喊,麦包曾提议他搞大女友个肚,问到金刚会否采用,他即笑言:“佢睇到验孕棒𠮶两条红线,一定好惊!”讲到到时女友够资格参加《C9旅行团》,金刚才知结了婚就变师奶,他即搞笑:“一定唔可以畀女友知咁解,唔系佢一定唔肯结婚。”

金刚跟台湾模特儿女友梁云菲,已有计划明年结婚。