*

upload_article_image

宇宙最强“收山” 甄子丹行超巿乐做老婆阿四

爱锡老婆都系宇宙最强

“宇宙最强”甄子丹除了打得,仲出晒名锡老婆汪诗诗,二人结婚16年依然恩爱,皆因丹爷讲过乜都畀晒老婆,绝对系百分百嘅“爱妻号”。

模范夫妻 丹爷同诗诗结婚16年,一直都好恩爱。

虽然他拍亲戏啲片酬都亿亿声,但56岁的丹爷上周三(11月27日)宣布拍埋《叶问4》就“收山”唔再拍功夫片,似乎想留多啲时间陪老婆仔女。

试完即买 丹爷试食Nuts津津有味,即买两包。

日前Free番好多嘅丹爷,一身街坊look陪素颜太太诗诗到中环行超市。

跟得老公 丹爷全程做跟得老公好Enjoy。

《头条日报》见他跟住老婆去拣好多食品,两人又商量买咩调味料,短短半个钟手推车两个篮Full晒。之后负责查数嘅诗诗畀完钱,丹爷就醒目地用手推车将三大袋食品推落楼下攞上座驾,全程亲力亲为,搞掂晒再拖住爱妻到四季酒店撑枱脚。见诗诗食饭时笑得好甜,就知呢个“阿四”有几成功啦!

亲力亲为 丹爷亲自推车将三袋食品推到楼下,仲拎埋上车,全程唔使司机同家佣帮手。

亲力亲为 丹爷亲自推车将三袋食品推到楼下,仲拎埋上车,全程唔使司机同家佣帮手。

试完即买 丹爷试食Nuts津津有味,即买两包。

丹爷为咗头家多年来搏到尽拍戏,最威水系饰演“叶问”呢个角色,10年前拍完第一集劲受欢迎,到10年后拍到《叶问4》居然仲有捧场客,难怪丹爷都话要多谢大家咁多年嘅支持。

最后一击 《叶问4》即将在下月20日上映,可欣赏丹爷最后一部功夫戏。

不过他觉得见好就要收,上周三(11月27日)为本月上映的《叶问4》出席宣传活动时,他坦言今集唔单只系《叶问》系列嘅最后一集,亦都系佢最后一套功夫片,他解释:“拍咗咁多电影,功夫片差唔多喇,《叶问4:完结篇》作为我嘅最后功夫片,希望可以写下宝贵嘅一页。”

一家和睦 丹爷一家四口感情好好,连他与前妻所生的大仔Jeff,亦不时参与家庭聚会。

其实有咁嘅决定,唔多唔少都系为咗老婆同仔女,因诗诗曾叹老公拍戏唔定时,连假期都冇得预,通常要到last minute先知道,加上丹爷都56岁,系时间要享受人生,留多啲时间陪屋企人。