*

upload_article_image

阿妈密密食兼做“低头族” 刘晓彤囡囡闷到托晒头

老朋友饭局,小朋友梗系闷啲

前无线艺人刘晓彤(Bell)自04年结婚后,便退出做“全职妈咪”专心凑仔女,曾扬言不是少奶奶的她一直都亲力亲为照顾家庭,仲养到三个小朋友又乖又黐身。不过,早前《头条日报》见她带埋囡囡跟朋友饭聚,Bell不是做“低头族”,就是低头密密扒饭,闷到阿女托晒头兼翻白眼!

跟妈咪刘晓彤同一班大人食饭,囡囡闷到扁嘴兼托头。

刘晓彤去年也有跟(左起)吴家乐、曾志伟、王贤志等出席联欢晚宴。

刘晓彤在铜锣湾街头顾住揿手机,在旁的囡囡就不停挨住对方,嗲吓妈咪。

刘晓彤下嫁从事鞋业严姓商人后,便淡出幕前专心相夫教子,即使贵为少奶奶,照顾三个仔女都绝不假手于人,经常凑住啲小朋友周围去,好似日前傍晚6点几,Bell就带住囡囡现身铜锣湾闹市。经常话啲后生仔女净系识得玩电话,估唔到50岁的Bell都一样系“低头族”!话说,当日孭住个背囊、一抽二褦的她,站在街头一路挂住睇手机,未知是忙住覆Message,抑或开App觅食呢?搞到在旁被冷落的囡囡嘟晒嘴,惟有挨住妈咪撒吓娇啦,点知妈咪都系零反应,阿女即刻翻晒白眼冇晒符!

刘晓彤入到餐厅睇餐牌,此时终于跟囡囡有眼神交流喇!

囡囡将手上饮剩的柠檬茶递给妈咪饮,认真乖女。

刘晓彤亲友一坐低,囡囡即撩Auntie和Uncle玩。

见交通灯一转,Bell立刻拖实囡囡过马路,之后两母女在附近的翡翠明珠广场,揾了一间日本餐厅坐低医肚。Bell拎住本Menu“O晒嘴”,应该都是花多眼乱,结果她终于望一望个女求救,不过囡囡就专注队支柠檬茶,阿妈惟有自己发办啦,队到一半,囡囡都好孝顺咁递支茶畀妈咪饮,可惜对方唔领情。其后一班长辈、好友陆续抵达,见Auntie和Uncle一坐低,囡囡即笑晒口转攻跟他们玩,其间又举起盒玩具Show畀大家睇,而坐在侧边的Bell继续睬你都傻,耷低头大啖食。不过冇耐一班大人开始自己倾,搞到囡囡好冇瘾双手托腮,连可爱的笑容都收番埋!

婚后做“全职妈咪”的刘晓彤带囡囡去朋友饭局,结果闷到阿女托晒头!

淡出幕前后,刘晓彤仍不时相约圈中好友(后左起)宣萱、郑裕玲、顾纪筠及丘凯敏等见面。