*

upload_article_image

陈山聪婚后极忙 新剧煞科即带怕丑老婆撑枱脚

系时候努力造人!

今年11月1日,43岁的陈山聪跟拍拖6年的40岁圈外女友Apple结婚,婚后唞咗几日就要开工赶拍新剧《大步走》,由朝拍到晚,山聪话,“每一日都系收工喺张床先见到老婆,会趁休息多啲时间陪佢。”讲就易,莫讲话“造人”大计,新婚人夫连瞓都无乜时间。近日新剧终于煞科,同陈炜去完内地乌镇商演嘅山聪即刻交人,带老婆去“米芝莲指南”推介嘅铜锣湾西苑食饭,见到《头条日报》嘅山聪话:“啱啱返香港,同老婆撑枱脚。”陈生甜甜笑,但陈太就超怕羞,全程拧歪面避镜头,好搞笑。

山聪夫妇同老板娘倾偈,应该成日帮衬,系熟客仔。

老婆唔想独自面对传媒,返转头等埋山聪出门口,见到记者,山聪有礼打招呼。

入电梯后,山聪继续挥手,陈太就愈匿愈入。

明年1月举行的《万千星辉颁奖典礼2019》,视帝之争相当激烈,除了《白色强人》拍档郭晋安同马国明,还有话题剧《金宵大厦》的陈山聪及《解决师》的王浩信等,唔少网民力推在《金宵大厦》中饰保安员“阿萧”的山聪做视帝。对被网民推举,山聪曾笑言:“唔系有冇信心问题,系仲未有资格攞奖,仲有好大好大进步空间,继续努力啦。”

山聪一个人去印停车飞,老婆就企喺电梯前等候。

山聪搭住老婆膊头等电梯,佢老婆应该心谂:“快啲到啦。”

婚前婚后,山聪都同姚子羚赶拍《大步走》,上月尾终于拍完。

结咗婚,剧集又有好成绩,完全洗底的山聪好感恩,佢仲好想快啲做爸爸,仲话好恨生女。上月尾,山聪终于拍完剧,今年拍咗三套剧嘅山聪觉得体力透支,会放假休养身体,问到会否全力开工“造人”。陈山聪笑说:“样样都系,顺其自然,做乜嘢都需要活力。结婚之后日日开工拍剧,每一日都系收工喺张床先见到老婆,会趁休息多啲时间陪佢。”他计划明年与老婆到意大利的小岛度蜜月。

山聪好锡姨甥女,一得闲就会带小妹妹去公园玩。

网民力推在《金宵大厦》中饰保安员“阿萧”的山聪做视帝。

今个月尾,山聪又会同李施嬅、马德钟到美国登台,新年亦会再同陈炜到外地登台,努力揾真银。刚同陈炜去完内地乌镇商演嘅山聪一得闲即补偿,拖老婆去铜锣湾撑枱脚,据目击食客透露,两人食得唔多,但全是酒家驰名食品,如叉烧及花胶汤,又食又倾个几钟就埋单,陈太先步出,一见记者即返转头揾老公,其间见到老板娘,两公婆即寒暄数句,明显系熟客。山聪见到记者有礼挥手,表示“啱啱返香港,同老婆出嚟撑枱脚。”陈太好怕羞,一直避镜头,就算入到电梯都一样背住记者面壁,极之怕镜头。

陈太好努力避镜头,无论企喺山聪侧面定入电梯后。

1月1日,陈山聪同Apple完成早上注册及斟茶仪式后,晚上在九龙一间酒店筵开17席。