*

upload_article_image

大马拍摄借雪子A Cup泳衣 35E庄端儿太“胸险”

咁大个头戴咁细顶帽,实出事啦!

庄端儿跟闺密邓咏雪(雪子)(前组合HunterZ成员)之前去咗大马5日拍节目,主要影吃喝玩乐,坦言出外旅游小心啲好,唔敢晒身材。不过,眼见入住的酒店有个infinity pool,环境好靓,唔趁机打卡影吓靓相又真系好嘥,最后决定换水着落水大解放,不过因为庄端儿无带泳衣,临时临急叫雪子借住一套嚟顶住先,但平板“A Cup”雪子嘅Top,勉强著咗落35E“导弹”庄端儿身上,根本连罩杯都覆蓋唔晒,一落水随时走光!

两人在酒店泳池旁影香艳写真。

落水前雪子喺房内帮庄端儿影咗两张泳衣相,证明佢著到雪子件细码泳衣㖞,但真系勉强咗啲㖞!

同《头条日报》讲返今次嘅big爆写真照,庄端儿都得啖笑:“其实事前真系冇谂过著泳装,大家都系去到见到个泳池咁靓,先至决定落水!但我冇准备水著,因为32A雪子个cup细我好多,size唔啱我,根本就包唔晒我上围,勉强落水游咗几吓就差啲走光,太危险,所以收队返房,好冇瘾呀。其实落水前雪子喺房内有帮我影咗两张相嘅,证明我著到佢件泳衣呀!哈哈!”

庄端儿以热带风情Look现身大马街头。

入清真寺一定要由头包到落脚。

虽然喺大马唔敢著得咁暴露,但庄端儿都不忘晒吓美腿。

此行两人晚晚去唔同嘅夜市食嘢,食咗海鲜、肉骨茶、椰浆饭、虾面等地道美食,尤其当地奶茶好好饮。庄端儿更逼雪子陪食最憎嘅榴莲。最难忘有一晚喺夜市食紧嘢,俾只超级大蟑螂爬咗上身,吓到跳起沿路跑咗一轮!身处大马街头,问她是否要封胸?庄端儿说:“今次著衫主题围绕热带风情,因为当地太热啦,所以都有热裤、高叉裙晒腿装扮,而去清真寺就会著寺内提供嘅衣服,一定由头包到落脚,头发都唔可以见到,试过我顶帽跌咗落嚟,有职员会马上要我戴返!其实都唔系第一次同雪子拍旅游特辑,不过每次都会俾佢嘅‘巨雨女神’影响落雨,同时发现佢系世界烂gag王!”至于可有艳遇?她笑说:“我哋都想有,其间被香港人认出,仲要求同我合照。”

庄端儿唔怕肥,劲擦地道美食。

雪子陪庄端儿食最憎嘅榴莲。

庄端儿正忙于彩排舞台剧《夜谷宾馆营业中》,剧中有性感演出。