*

upload_article_image

受英皇力捧压力大 李靖筠皮黄骨瘦睇中医急救

真系要好好休息!

现年26岁的“文青女神”李靖筠(Gladys)在TVB剧集《跳跃生命线》中饰演River一角大受欢迎,早前签约英皇娱乐成为乐坛新贵,由5月至今已推出了4首歌,新歌《第千次重逢》趁年尾派台。受公司力捧的Gladys压力大到皮黄骨瘦,日前在荃湾一间餐厅内野生捕获Gladys,她又瘦又无精神,见她狂队两个饭餐,期间不停抹鼻涕,感觉几辛苦。

凭TVB剧集《跳跃生命线》中River一角令Glayds为观众熟悉。

当日下画,李靖筠在荃湾一间餐厅内自队大大碟的白咖喱猪扒饭,另加多个干酪温泉蛋咖喱海鲜饭,但她边食边包“云吞”,食完就行去看中医。事后记者向Gladys了解,她坦言身体出了毛病:“呢期感觉个人湿气好重,好攰瞓极都唔够,而且严重鼻敏感,鼻涕长流,要用口唞气,入到冷气间仲会有几声咳,咁样好影响到唱歌,但长期食西药又怕有好多后遗症,所以好鬼烦,惨到连去厕所都唔多畅通,要两日先屙到一次,好彩未影响到女性周期。”

Glayds狂队两个餐都唔长肉,她一度担心有暗病。

气虚血弱要调理

一轮嘴讲出苦况后,李靖筠话好彩看完中医不算大件事,“医师好细心同我把脉,同埋观察条脷,佢就话我眼圈大,气虚血弱,血气运行得唔多好,体质偏差,苦口婆心咁叫我要好好调理一吓先得。不过医师安慰我唔使惊,而且仲系细路女,第时怀孕期后大把机会做肥婆,但叮嘱我要早睡早起,多啲去做运动,开5日药粉冲剂畀我先改善鼻敏感症状,再慢慢调理身体机能。听完咁讲都安心好多,至少冇暗病。”

Glayds边食边抹鼻涕,真系辛苦。

Gladys否认俾人批评样衰形成压力:“当你每日都收到私讯负评留言就变咗冇感觉,甚至有指我MV似人妖,其实大众对艺人界线定得好高,眼中要个个好似杨幂咁样,否则会话:‘呢啲咁嘅样,周街都执到啦!’其实样唔系我个卖点,我只想展现我嘅音乐才华。”

Gladys等睇中医时不停包“云吞”,一脸病容。

Glayds睇完中医再急住去跑通告,自言喜欢压力下生活。

医师细心为Glayds把脉问诊,安慰她说香港人个个都有压力,唔使太担心。

短发“文青女神”李靖筠为乐坛注入新气象。