*

upload_article_image

朱晨丽投诉牀戏唔着衫 洪永城反驳:我有着裤㗎!

两人戏内戏外火花四溅!

朱晨丽(朱朱)和洪永城(Tony)最近在剧集《多功能老婆》这一对相当出位,一时打打闹闹;一时又热情到晕。两人首演夫妻,拍亲热戏时都觉尴尬,朱朱更投诉Tony在一场牀戏中自动波除衫,搞到她要找张被包住自己,避免有肌肤之亲,而Tony就即刻澄清自己有着裤!两人访问全程斗咀,戏内戏外都咁有火花!

戏中朱朱同Tony,真系好鬼多亲热戏㗎!

朱朱和Tony上次合作是在剧集《味想天开》,朱朱笑言今次Tony身份升咗呢,“上次佢做我阿哥,今次佢升咗呢做我老公啦!”Tony即寸嘴话:“咁下次你做我阿妈啦!”互窒不留情,就知他们有几熟络。谈到剧中两人有不少亲热戏,他们都话有时都会好尴尬,朱朱更投诉Tony牀戏不着衫,“𠮶日我哋有场牀戏,佢突然唔着衫呀!”Tony就急忙解释,“咩呀!我只系冇着衫啫!我有着裤㗎!”朱朱再呻:“我即刻用张被包住自己,费事掂到佢呀!”Tony再解释:“咁平日瞓觉我都系唔着上半身,只系想生活化啲啫!”

身材惹火的朱朱,剧中仲出动埋三点式!

叫何广沛努力

讲到剧中朱朱演的“思蕾”恃靓行凶食住老公“伟立”,朱朱就话平日不会咁样攞着数,“我连喺街巿攞棵葱都冇试过㖞!”Tony都力撑朱朱不会咁做,“佢应该唔会咁嘅,佢都好少要人就佢嘅。”朱朱笑言:“其实我系男人嚟,唔兴做呢啲嘢㗎!”问到Tony将来结婚会不会似个角色一样是个老婆奴,他就坚称一定不会,朱朱都认同话:“Tony好坚持同有主见,应该唔会畀老婆要胁到。”他们都话拍完这套剧,学到点样做人老婆老公,不过Tony就话还未有计划做人夫,“我同女朋友(梁诺妍)系朝呢个方向行,但真系未有计划。”而朱朱就坚称未有对象,还笑言叫绯闻男友何广沛要努力啲。讲到边个够资格做多功能老婆,Tony就大赞除了千嬅,陈炜都是男人梦想的多功能老婆。朱朱就话自己未够资格,“我煮饭真系唔叻,但会努力学习。”

朱朱跟何广沛传绯闻多时,但依然未有承认恋情。

朱朱话拍该剧最开心跟千嬅和炜哥成为真正的好姊妹。

日前36岁生日的Tony,获女友梁诺妍和大班好友一齐庆祝。

早前朱朱32岁生日,好姊妹炜哥和“老公”Tony都有为她庆祝。

朱朱同Tony呢对,相当有喜感,相信观众都会钟意。