*

upload_article_image

李璨琛开公司为同业创造机会 做监制为当导演铺路

尽心尽力!

李璨琛(Sam)最近跟姜文杰等人成立制作公司“Soul Crew”,创业作《大盗演》早前到泰国曼谷取景,Sam除了主演还兼任监制。Sam坦承开公司为自己制造机会外,亦为同业筹谋,更希望帮到一班新演员,好似今次有份演出的潘伯仲和邝家瑜。Sam向《头条新闻》坦承自己亦有个导演梦,现在希望透过监制工作,加深了解电影制作,为未来做导演铺路。

Sam亲自示范畀潘伯仲和邝家瑜睇正确姿态。

入行23年的 Sam坦承做演员好被动,又缺乏安全感,令他一直有开公司谂法,“几年前都有呢个构思,制造机会畀自己同其他朋友,有个班底喺度,我哋系做得到㗎㖞!于是集合咗今次个导演钟盛远、钱江汉同埋Benji(姜文杰)成立呢间公司。”

Sam大赞首次拍电影的潘伯仲和邝家瑜,作为新人算好醒目。

这套作品前,Sam已先后为网剧及电影出任过监制,他坦承最困难除了资金就是人事问题,“人事最难搞,了解完呢边又要同𠮶边讲,以前人哋做我调解员㗎嘛!对自己EQ都系个练习,自己都冲动,而家训练得多真系成熟咗,始终多咗个身份,成个剧组都要顾,了解多咗其他部门嘅运作,对净系做演员都有帮助,会多咗体谅。”Sam坦承都有想过做导演,所以多做几部监制学习,“一人分饰几角,冇话唔得嘅,做多几部先,到有一部好啱心水或者好想拍嘅就尝试吓。”Sam亦承认现在自己有小小能力都想帮吓新人,所以呢日专登揾埋潘伯仲和邝家瑜去练体能,“做演员除咗记对白走位,都要识啲动作旁吓身嘅,我哋一齐去做Gym睇吓你哋够唔够fit啦!”

轮到邝家瑜,在Sam指导下都算做得有板有眼。

邝家瑜戏中会跟詹Sir有不少对手戏。

Sam和姜文杰除了要演,仲要兼顾监制和执行监制工作。

相反29岁的潘伯仲做一下就要Sam托住,唔掂㖞!

44岁的Sam近年操得甚fit,这个动作轻松完成。