*

upload_article_image

带阿谭食和味龙 鼎爷最想教孙仔厨艺

孙仔接棒 !

李家鼎和谭玉瑛合作主持的《阿爷厨房》最近推出第四辑,两人都话愈拍愈有默契,鼎爷当正阿谭好似孙女一样,两人今次去到顺德和鼎爷家乡南海揾食,难得睇到起龙舟,同一尝和味龙隆(龙蝨)。不过,两人虽然经常有机会食好嘢,但明白做食肆不易,尤其做了老板的鼎爷有更深体会,他更自爆孙仔有望传承他的好厨艺。

鼎爷和阿谭在桥上睇足3个钟起龙舟过程,完全唔觉得攰。

今次到顺德和南海拍外景,鼎爷大呻拍得特别辛苦,“我哋5、6月去拍,日日都好好天,但有成3、40度,热过香港,真系差啲热到晕低,死顶住咋!”阿谭亦大赞鼎爷专业,“佢明明好唔舒服,但系一埋到位对住个镜头就好似冇事咁,真系好厉害。”

鼎爷话以前龙舟多用坤木(坤甸木)做,但唔可以长期曝晒,会放在河底埋在泥浆底保养,端午节前要动用多人起出来。

谈到精彩内容,两人最开心睇到起龙舟,鼎爷说:“我哋细个睇过,𠮶时香港都有㗎!家好少地方有得睇囉!”阿谭亦谓:“虽然𠮶日我哋企咗喺桥度三粒钟,但系都唔觉得辛苦。”讲到食方面,阿谭话最难忘食了水曱甴,“我真系第一次食咋!最初都惊惊哋,但食落都冇乜嘢。”

阿谭话睇落和味龙个样,真系几恐布。

鼎爷又爆阿谭愈食愈嘴刁,但两人都唔会踩人哋煮嘢食,特别是开了食肆做老板的鼎爷,“做咗老板更加费事评价人哋啦!同埋都明白做生意真系好艰难,好彩自己啲生意暂时冇乜问题。”谈到两个囝囝都开食肆,能否承继他衣钵学到一手好厨艺呢?鼎爷说:“大仔都有学厨,但煮西餐叻啲,细仔煮冇天份只识食,反而孙仔最近竟然钟意玩煮饭仔,仲会跟住啲步骤,但系佢家仲细(3岁),希望佢将来真系钟意学啦!”

不过阿谭话食落和味龙又冇乜异味。

爷鼎觉得泳汉和泳豪未必可以承传他的厨艺,反而3岁长孙浩荣有潜质。

由于今辑有30集,播到农历年前,所以鼎爷会示范多款新年菜同应节食品。

鼎爷和阿谭愈拍愈有默契,都希望节目长拍长有。