*

upload_article_image

何广沛首做男一无压力 《大酱园》攞正牌同朱晨丽谈情

主角配角唔紧要,最重要系有得发挥!

何广沛(Matthew)演出的《黄金有罪》及首做男一的《大酱园》叠住出街,后者更和绯闻女友朱晨丽(朱朱)由欢喜冤家演到变夫妻,奉旨谈情;而《黄金有罪》则愈拍愈灰,他带笑投诉:“以往喺剧入面系爱情长胜将军,女角会主动媾我,今次争女神陈滢输咗畀洪永城,仲冇埋事业要自杀,真系好黑暗,唯一希望一死会感动到观众,好似张彦博喺《跳跃生命线》嘅“雄姐”咁爆红啦。”

何广沛演出的《黄金有罪》及首做男一嘅《大酱园》叠住出街,他谦虚只系戏份一步步增加咗啫。

何广沛形容自己在《黄》剧中只是一名小配角,不过算系几有发挥:“剧入面我系演正直警察,后期同恩师张兆辉关系决裂,争陈滢又唔够洪永城争,事业爱情都双失。以前拍剧都被安排有条好靓嘅感情线,演嘅又系平步青云角色,从未试过咁兜踎,好彩最后监制王心慰都可怜我,唔使我输晒咁惨,畀返个靓女丁乐锶我,同陈滢比较,两人各有各靓啦,陈滢好男仔头,不过佢嘅靓系公认㗎啦,所以我唔会再赞佢,有陈家乐赞就得嘞,(留返嚟赞朱朱?)哈!朱朱都好多人赞!”

《黄金有罪》争女神陈滢争输咗畀洪永城。

虽然同时间有两剧出街,但何广沛仍然对收视好有信心:“据过往剧集纪录,我都系收视福将,好有剧运,演过嘅《亲亲我好妈》、《超时空男臣》、《跳跃生命线》同《白色强人》收视都系头3位,而且《大酱园》系民初大剧,有好多资深演员分担,相对冇咁大风险,首做男一唔会有好大压力。最开心可以攞正牌同朱朱闹交,我钟意闹佢咪闹佢囉,唔使负责任,几爽呀!”

因《跳跃生命线》而组成嘅“跳跃F4”张彦博、何广沛、郭子豪及罗天宇都有运行。

何广沛唔觉朱朱同龚嘉欣“唔妥”,不过他力撑朱朱说:“其实各有各苦衷,要互相体谅。”

《白色强人》中,何广沛同冯盈盈的感情线都好抢戏。

跟萧正楠有好多对手戏。

《白色强人》获今年TVB台庆“最佳剧集”,何广沛果然有剧运。