*

upload_article_image

新春红当当 星级Stylist教点配搭最稳阵

明天(25日)便踏入鼠年,各位丝打谂好着咩衫去拜年未呢?

“新年Look”都不外乎红当当、金闪闪咁,星级Stylist Felix Wong指“红黑”配搭最稳阵,可以一件红色长褛内搭黑色樽领衫,衬裙或裤加Boots,再拎一个金色手袋仔,便充满喜庆感!

星级Stylist Felix Wong:2016年离开纸媒行业,现为艺人丶广告造型及舞台戏服担任设计工作。排名不分先后老板有陈奕迅、古天乐、Dear Jane、MIRROR及关心姸等。

岑丽香:膊头好靓,系拣啱裙嘅,但保守咗啲,既然新年可以玩多啲,不如换对红色尖头高踭鞋、戴番对耳环啦。

李亚男:本身条腿靓点衬都靓,整体都OK,冇着错嘅,但嫌太稳阵,冇乜惊喜囉!

陈庭欣:本身红白西装Look冇事,条裤个Cutting都OK,但件褛好衣不称身,如果改番窄身啲,入面衬金色一件头泳衣,就有型好多。

若想玩味一点,可尝试“All Red Look”,Felix Wong又提醒大家:“切忌着到红卜卜又裸妆,甚至唔化妆,妈咪们可以搽番酒红色唇膏,后生女可以试吓橙红色唇膏,咁睇落就会精神啲!”

菊梓乔:要赞条蛇纹裙,系兴嘅,如果换件红色樽领冷衫,再大胆啲解开条裙几粒钮,换对Thigh-High Boots露少少大腿,咁就好出位!

林嘉欣:妆发都OK,上身都冇问题,但条裤唔长唔短咁,再衬对黑鞋就出事嘞,如果换一条白色长裙,衬白鞋或波鞋会好啲。

陈自瑶:Pretty Woman Look,但成个比例5:5咁,建议皮褛再短身啲,条裙可以改短啲,咁就可以露多少少美腿。

黎美言:好似人肉浮床,件褛起码大咗3个码,同埋个领太大,入面系适合着冷衫,对船踭鞋都格格不入,成件事错晒!

冯盈盈:系十大衣着错误人选!上身个Ruffles袖加烟囱领仲兴咩?乡土味好浓!只可以话系稳中求胜囉。