*

upload_article_image

由无人识到有角色 赵希洛:我演得最多系...

原来癫婆唔系演得最多!

赵希洛 (本网记者摄)

赵希洛(Candice)凭剧集《金宵大厦》演忆子成狂的何太夺得《万千星辉颁奖典礼 2019》最佳女配角,当晚哭成泪人,她激动表示:“4岁已经同自己讲将来要做演员,系公司成就呢个梦想。”

赵希洛凭《金宵大厦》中演忆子成狂的疯妇获得《万千星辉颁奖典礼2019》最佳女配角奖。

Candice回想初为新人的点滴,“一开始我谂每一位演员都冇谂过自己会有好多机会或者好好运。谂住慢慢磨炼同做好自己,build up 自信同演员需要嘅东西,因为你永远都学唔完,作为演员要长期性望住好多嘢、读好多嘢,令自己小宇宙发挥得更好。我哋都系创作嘅人,我哋创作嘅就系点令角色有生命,有时同编剧会有不同想法,因为第一次做癫婆《实习天使》时,首先没有接吻嘅动作,同埋无写一啲情绪变化,系我自己主动想加入去,咁因为我想表达我几爱一个人,表达到角色的内心。自己角色细唔紧要,你俾life你个character 。”

赵希洛 (本网记者摄)

当晚黄智雯边哭边颁奖给好友,Candice非常感动:“佢系我最好嘅朋友,由训练班一齐挨,挨到今时今日,到佢做咗视后,而我今日可以喺佢手上拎到奖,真系无谂过。虽然大家读训练班时,都好希望可以踏上呢个颁奖台上,呢个系我同佢嘅一个承诺,我哋无同其他人讲过。当晚真系发生呢件事(得奖),我好震惊、感动、emotional 啦!我好难解释12年嘅友谊,同埋12年嘅经历用一时三刻解释晒,但我哋由无人识、无角色、到有角色、一齐合作,我哋好有缘合作好多次,我哋系幸运嘅,当可以同自己好朋友做戏,再喺2019年一齐去外国进修,一齐去进步。”

当晚黄智雯边哭边颁奖给好友,Candice非常感动。(网上图片)

网上图片

赵希洛 (本网记者摄)

被问到自己最大的不足是什么?Candice表示:“其中一样最唔好系中文差,初初入行连中文对白唔识读同睇,只认为简单生字,有几个朋友和家人帮我翻译,因为广东话有9个音,好容易变粗口㗎!”

赵希洛 (本网记者摄)

提起“TVB御用癫婆”称号,Candice笑指:“其实唔系㗎,我演得最多系秘书,《天天天晴》、《爱回家》、《波士早晨》、《大步走》都系做秘书,咁好明显我系一个好差嘅秘书,无人记得我,哈哈!其实俾我拣,我钟意做一啲曳嘅角色,或者唔太正经,可以粗粗鲁鲁,不顾仪态,咁‘何太’都几好,我可以自己化妆set头。”被问到现实中自己是怎样的性格,Candice思考一阵,弹出“黑人问号”,“我最近做专访发现自己讲中文时会细个啲,讲英文时会大个啲,可能系对自己说话的信心,我系一个好贪玩、好百厌嘅人 !”

赵希洛 (本网记者摄)

Make up and Hair:Phoebe Yung
Outfit:aleshia
Earrings:dearbell2ling