*

其他文章
网传杭州动物园老虎吃人视频?园方:多年前他地视频

咁紧张市民健康,你有冇揾过口罩比香港人?

pr20180615_1 对于禁止加热烟嘅审议再次流会,吸烟与健康委员会主席邝祖盛早前话审议嘅进度唔理想,通过三读机会唔算乐观,希望议员可以通过公共卫生角度为市民嘅健康着想——我唔知系咪任何同政府有关系嘅人本身都一定要离地,如果你系咁着紧公共卫生,关心香港人健康的话,最威胁武汉肺炎绝对系全香港人最着眼嘅问题     成日用“为市民健康着想”做佢地至高无上嘅口号,点解喺口罩缺货同价格暴涨下,咁关心市民健康嘅佢地连一句声都唔出?成日开口埋口都话为香港好要全面禁烟,真系为香港好就支持全面封关,禁止一切大陆人可以落到嚟香港嘅方法。     至于大众一直都担心紧嘅加热烟私烟问题,邝祖盛居然系“不清楚现时市面上电子烟和加热烟的销售情况”,只系表示“相信香港大部分人都奉公守法””。你要堵绝一样嘢,但系连佢喺市面仲有几多人食,佢地喺咩途径拎到货都唔知。只系一味觉得只要立法禁止,香港人就会守法。其实走私依样嘢喺香港真系好常见架,就连传统烟仔都有人因为平而走私走到而家,邝祖盛乜你唔知咩?加热烟而家喺香港仍然好多人食紧,早前反送中唔系就有一位啊Sir当住更喺大会堂吸住加热烟咩?如果广大市民真系会单纯因为“香港唔比卖所以唔食”,邝祖盛又会觉得𠮶位啊Sir支烟弹喺边度嚟?佢依个咁一厢情愿嘅谂法,同政府为咗确保啲人有自我隔离而用嘅电子手环又冇GPS又唔会响一样,几傻几天真几离地先会觉得Work?     如果邝祖盛你为交差嘅,不如等香港搞掂武汉肺炎先;如果你真系咁关心市民健康,不如试下帮手揾口罩先?

毛言地

** 博客文章文责自负,不代表本公司立场 **