*

upload_article_image

孖余安安拍《Baby》勾生B事 张继聪为老婆险撞开全村车

为了老婆几夸张都愿意做。

余安安和张继聪在刚上映的新戏《Baby复仇记》分别演准嫲嫲和星级男陪月,早已为人父母的他们,在拍摄过程勾起不少生B难忘事,好似安安姐就想起当年初三赤口诞第二胎既搞笑又紧张的情况;而阿聪就大爆当年太太谢安琪(Kay)生囝囝张瞻时穿羊水,住村屋的他紧张到想将全村车撞开揾出路送太太入院,似十足拍动作片劲夸张。

阿聪讲起当日紧张到想撞开全村车,安安姐都笑话拍成电影应该好有喜剧效果。

现实中,安安姐和阿聪虽然冇做嫲嫲和男陪月经验,但两人自身经验对演绎角色都帮到手。安安说:“我做咗外母,其实对新抱同对女婿都一样,会锡仔女嘅另一半,所以我代入会容易啲。”

安安姐和阿聪大赞《Baby复仇记》剧本够贴地,讲出不少准父母的心声。

由于现实中没男陪月,阿聪反而觉得更有趣,“我太太第一胎系冇陪月,但真系差好远,特别系太太身体调理方面,我好记得我Book嘅时候佢话3日后先覆,因为开工唔会开电话,好似特工咁好专业,我将佢哋份精神放咗入角色度。”

戏中安安姐演朱鉴然妈咪及陈静奶奶,而阿聪则是星级男陪月。

两人都话拍摄最难忘是勾起不少当日生B的经历,当年首次做爸爸的阿聪,更自爆由于太紧张,差啲出大事,“当年我哋住村屋,夜晚啲车泊好晒,要出车系好困难,太太话穿羊水,我抱去落车,但系揸出嚟好难,我好紧张,谂过将成条村啲车撞开晒佢,返嚟先搞,太太反而叫我慢慢嚟。(阿Kay冷静过你?)系呀,可能自己身体自己知,我系急到咁。”安安姐原来生两胎都一样惊险,“第一胎唔系好稳,要喺床瞓咗3个月,真系好担忧,去洗水间大力啲都惊走咗出嚟冇咗,而第二个就早产,细女初二出世,我初二传统返阿妈度食饭,我食咗3碗饭,半个钟后仲叫阿妈煎糕,阿妈仲话又食?食到塞咗个BB出嚟!点知真系食完半夜作动㖞!我两胎个头都系唔调转,都系要开刀生。”

阿聪讲明两个够晒数,怕太太再生辛苦外,亦怕至锡囡囡张靖被忽略。

长女李文琪(右二)16年已结婚,早已荣升外母的安安姐对女婿Jeremy一样爱锡。

安安姐谂起当年生长女李文琪(中)和次女李文骞时,都有不少惊险事。