*

upload_article_image

为电影首创作兼主唱插曲 胡子彤自爆灵感来自恋爱经验

对于感情,子彤话暂时以工作为重。

胡子彤最近首度为有份演出的电影《Baby复仇记》唱插曲《那时候》,而且还亲自填词,他坦言跟做演员一样是无心插柳下的机会,好感激公司肯给他尝试,是自爆歌词是他将自己恋爱经验写成,更希望有朝一日可为自己主演的电影创作及演唱主题曲,而他趁住近期受新冠肺炎疫情影响,休息期间会好好装备自己。

子彤为做好歌手,近期除了学唱歌,还不停睇书增内涵,有助未来创作。

戏中子彤演凑仔公,觉得好新鲜。

子彤今次有机会唱插曲,原来跟入行拍电影一样,都是误打误撞,“有时公司食饭去唱吓K,老板、同事听完问我想唔想试吓唱歌,我𠮶时抱住入行做演员嘅心态,有机会就试吓囉!就咁公司就揾咗啲歌畀我,途中又叫我试吓创作,咁啱创作途中,就拍咗《Baby》,公司觉得咁啱同电影嘅题材好类似,不如就当系电影歌曲一齐做,第一首电影插曲《那时候》就咁出现咗。”至于目标,子彤就直言:“如果主演电影唱埋电影主题曲,系对一个演员或者歌手几特别嘅事,我都好希望做到,我之前拍落嘅戏,唔知有冇机会可以倾吓呢!?”

子彤话第一次入录音室超紧张,亦发觉唱歌仲有好多不足要恶补。

子彤同好兄弟朱鉴然(右)在戏中有不少对手戏。

早前跟“女飞鱼”欧铠淳结束三年情的子彤,更坦承今次歌曲的歌词全部来自亲身感情经历,“当然同自己经历有关。(𠮶排感情出问题?)𠮶阵时未系好大问题,反而系唔同阶段嘅经历摆咗喺首歌入面,唔算系爱情观,系每个人有𠮶个画面,不论系男仔定女仔,佢哋对爱情第一次手忙脚乱,唔知点做。”

去年12月,传欧铠淳移情同性篮球员倪碧贤 ,并宣布跟子彤分手。

讲到感情生活,子彤话暂时以工作为重,至于拣对象的要求,他好轻松话:“我冇特别,都系睇感觉,唔会话一定长头发、大眼、皮肤白。(钟意电影会唔会好啲?)咁会多啲话题,会好啲,不过都系冇特别谂,随缘啦!”

“避炎”不用开工的日子,子彤频频练拳保持状态。