*

upload_article_image

新剧受疫情影响停工 邓丽欣“避炎”取消咀戏

最紧要注意卫生!

邓丽欣(Stephy)与顾定轩昨日为ViuTV新剧《男排女将》到天水围取景,久未拍港剧的Stephy笑谓:“好耐未试过拍一套戏拍咁耐,通常喺香港拍电影最多都系1个月就完成,我入行第一年拍过电视剧,之后咁多年都冇喺香港拍过,一开始唔系好习惯,但系拍咗咁耐之后,慢慢同剧组、演员增进感情,大家好似一家人咁,我见佢哋仲多过见我妈咪,感觉好亲切。”

邓丽欣指新剧《男排女将》的拍摄进度也受疫情影响,目前将暂时停拍。

提到新冠肺炎肆虐,拍摄进度也受到影响,她说:“套戏有好多时会喺室内运动场、公共地方取景,所以好多场口都要暂时停拍,亦未知场地几时重开。拍埋今日之后会停一停,等待消息。”Stephy又透露原定要拍摄一场咀戏,但为了“避炎”而取消,她续道:“原本我同阿Sam(陈宇琛)有场比较亲密嘅戏,本身系要Kiss嘅,虽然只系蜻蜓点水咁锡,但系大家喺互相尊重嘅情况下商议过,决定借位拍摄。”

邓丽欣原本要跟陈宇琛拍Kiss戏,但现在为了“避炎”而取消。

谈到日前贴出的“煞景”Po引来热议,Stephy强调:“呢个误会真系大得严重,我自己都写咗一篇文章去解释。因为我写即时动态,喺文字上冇咁复杂,用咗单句子表达。因为戏入面我嘅球队力图,喺𠮶个场地奋斗同成长,我哋对呢个地方好有感情,当日亦都系拍摄第50日,完成后大家都好开心去庆祝,所以我就讲咗几句说话形容当下心情,我都觉得要同大家解释番,希望大家明白,唔好太多联想。”

邓丽欣做足防疫措施,消毒搓手液不离身。

顾定轩(左)、邓丽欣