*

upload_article_image

囡囡挂住揿电话 王敏德父女行街惨被冷落

阿囡对眼只有电话......

王敏德个名出镜率好高,因为佢两个女都好有新闻性,大女王曼喜(Kayla)嘅同性恋情经常上报,二女王丽嘉(Irisa)又好钟意放性感相到ig,激到老窦咆哮,父女隔空互动好好睇。日前下昼,王敏德同二女王丽嘉现身ifc,一样咁高嘅两父女去买乳酪食,边食边行,老窦系咁讲嘢,但阿囡对眼只系望住个电话,理吓爸爸啦。

虽然个女唔理佢,但好彩王敏德仲有乳酪。

王敏德份人都几有心,之前就试过高温下去郊野公园执垃圾,又试过喺社交网开直播唱歌,佢话为粉丝传递正能量,而佢老婆马诗慧同二女王丽嘉就担任特别嘉宾同大家倾偈,Michael话:“知好多人唔系好想出街,今次搞网上直播,希望出一分力,畀啲正能量大家。”嗯,有心嘞。

王敏德食住乳酪同个女倾偈,但个女就唔多想理佢。

无人理王敏德

日前下午,见到戴住口罩同无戴口罩嘅王敏德父女喺ifc出现,两父女专登搭扶手电梯上两层去买乳酪,两人拣咗一阵,由Irisa找数。王敏德拉低口罩边行边食,冇罩Irisa就无呢个烦恼,一家之主好多嘢讲,系咁食系咁讲,不过阿女就唔多理佢,估住揿电话,虽然一心两用,又食又揿但Irisa完全Handle到,之后两人就搭Lift去停车场攞车离开。

两父女买乳酪,由王丽嘉找数。

王丽喜一路行一路揿电话,中间又会抽时间食两啖乳酪。

王丽喜经常贴性感相到ig。

两父女经常一齐出席活动。

王敏德一家五口。

王敏德喺《流行经典50年》唱英文歌鼓励港人。